Բարձր քրտնարտադրությունը կարող է մոտալուտ ինֆարկտի նշան լինել, նախազգուշացրել են British Heart Foundation-ի բժիշկները: Այդ մասին գրել է Daily Express թերթը:
«Եթե կրծքավանդակի ցավերի հետ մեկտեղ ջերմություն և քրտնարտադրություն ունեք՝ պետք է շտապ օգնություն կանչել», – խորհուրդ են տալիս բժիշկները:
Նյութում նշվում է, որ այդ ախտանշանը սրտի կաթվածի համար համարվում է «անսովոր», և, հետևաբար, չպետք է անտեսվի:
Փորձագետներն ընդգծել են, որ կան մի շարք ոչ ակնհայտ նշաններ, որոնք վկայում են սրտի խնդիրների մասին, որոնք հիվանդները հաճախ վերագրում են այլ հիվանդություններին: Օրինակ՝ ստամոքսի ցավը կամ մարսողական խնդիրները:
Նաև, ըստ փորձագետների, ոտքերի ներքևի հատվածի այտուցը կարող է սրտի անբավարարության մասին ազդանշան լինել, իսկ կրծքավանդակի ցավերը, որոնք ի հայտ են գալիս ֆիզիկական ծանրաբեռնվածության ժամանակ, կարող են լինել ստենոկարդիայի ախտանշան:
