Tuesday, 28 09 2021
01:00
Չինաստանն առաջին անգամ ցուցադրել է իր «անտեսանելի» կործանիչը
00:45
Հրապարակվել է Բելառուսի ՊԱԿ-ի աշխատակցի հետ մահացու փոխհրաձգության տեսանյութը
00:30
Սենատը հաստատել է Դոնֆրիդի թեկնածությունը Եվրոպայի հարցերով ԱՄՆ պետքարտուղարի օգնականի պաշտոնում
Թուրքիայի 62-ամյա քաղաքացին դատվում է «Բռնապետ Էրդողանը» հոդվածով կիսվելու համար
ԵԽԽՎ բանաձևով Ղազանչեցոց եկեղեցին չի վերանվանվելու Ղազանչի. Փաստերի ստուգման հարթակ
00:00
Twitter-ի աշխատանքում խոշոր խափանում է տեղի ունեցել
Շղթայական ավտովթար՝ Երեւանում. 4 ավտոմեքենա է իրար բախվել, 4 մարդ էլ՝ տեղափոխվել «Արմենիա» ԲԿ
ԵԽԽՎ-ն ՀՀ-ին ու Ադրբեջանին կոչ է անում պատասխանատվության կանչել պատերազմական հանցագործությունների մեղավորներին
ՀՀ արտակարգ իրավիճակների նախարարությունը տեղեկացնում է
Պեսկովը մեկնաբանել է՝ ով է ընտրել Պուտինի և Թրամփի հանդիպման համար գեղեցիկ թարգմանչուհուն
Այս պահին Երևանում ոստիկաններն ու պարեկային ծառայողները կանգնեցնում են մեքենաներն ու խուզարկում
Շիրակի նախկին մարզպետը նշանակվել է Պոլիտեխնիկի Գյումրու մասնաճյուղի տնօրեն
22:50
Թալիբները հայտարարել են, որ ԱՄՆ-ի անօդաչու սարքերը խախտել են Աֆղանստանի օդային սահմանները
Փարպիում իրար են բախվել «ВАЗ 21723»-ն ու «Nissan»-ը. վարորդները բուժօգնության համար դիմել են «Աշտարակ» ԲԿ
Ադրբեջանական կողմը Շուշիում հայկական կողմին է փոխանցել 3 հայ զինծառայողի աճյուն
22:20
Միջուկային սպառնալիքը հասել է վերջին 40 տարվա առավելագույն ցուցանիշին. ՄԱԿ
Վրաստանը հոկտեմբերի 4-ից վերադառնում է առկա ուսուցման
Օր 2. 44 հետհայացք, 44 վերապրում
21:52
Իրանի ԱԳՆ-ն արձագանքել է զորավարժությունների վերաբերյալ Ալիևի հայտարարությանը
Բաքուն ամեն ինչ կանի, որպեսզի Արցախի հարցը փակի մինչև Հաագայի դատարանի վճիռը
21:35
Ես չեմ փախչի. Լուկաշենկոն խոստացել է լինել Բելառուսի անկախության երաշխավոր
21:25
Էրդողանը Բայդենին կհանդիպի հոկտեմբերին կայանալիք G20-ի շրջանակում
Մեր հասարակությունը խորը տրանսֆորմացիոն փուլի մեջ է, հաջորդ փուլը երկրի բուրժուադեմոկրատացումն է
21:07
Լուկաշենկոն հնարավոր է համարել Համաբելառուսական ազգային ժողովը գլխավորելը
Արցախի «կոսովոյացումը» խնդրի միակ տեսանելի լուծումն է դառնում
Թուրքիայում նախագահին վիրավորելու մեղադրանքով 6 տարում 160․169 հետաքննություն է սկսվել
ՆԱՏՕ-ի նավերը Վրաստանի ջրային տարածքում են
Վրաստանին անհրաժեշտ է կոալիցիոն կառավարություն. Զուրաբիշվիլի
20:20
Պուտին-Էրդողան հանդիպման արդյունքներով փաստաթղթերի ստորագրում չի նախատեսվում
Մուրադովը Բաքվում Հասանովին է ներկայացրել ՌԴ խաղաղապահների նոր հրամանատար Գենադի Անաշկինին

Հայաստանը «Էքսպո 2020 Դուբայ» ցուցահանդեսին կներկայանա «Էթնոթեք» կոնցեպտով

2021 թ. հոկտեմբերի 1-ին Արաբական Միացյալ Էմիրությունների Դուբայ քաղաքում կմեկնարկի «ԷՔՍՊՈ 2020 ԴՈՒԲԱՅ» համաշխարհային ցուցահանդեսը, որին առանձին տաղավարով կմասնակցի նաև Հայաստանը: Տարվա խոշորագույն բիզնես-մշակութային միջոցառումը կտևի շուրջ 6 ամիս՝ մինչև 2022 թ. մարտի 31-ը:

«Արմենպրես»-ի հաղորդմամբ այսօր՝ սեպտեմբերի 15-ին, ՀՀ Էկոնոմիկայի նախարարությունը և Էքսպոյում Հայաստանի տաղավարի հաղորդակցության թիմը աշխատանքային հանդիպում էին կազմակերպել հայաստանյան լրատվամիջոցների ներկայացուցիչների հետ՝ ցուցահանդեսի ընթացքում ԶԼՄ-ների աշխատանքի կազմակերպման և ընդհանուր առմամբ Հայաստանի մասնակցության թեմայով: Կազմակերպիչները հայ լրագրողներին ներկայացրեցին «Էքսպո 2020»-ին հավատարմագրվելու ընթացակարգը:

«Բոլոր լրատվամիջոցները կարող են գրանցվել համակարգում և ամբողջ 6 ամսվա ընթացքում ստանալ ցուցահանդեսի լուսաբանման համար անհրաժեշտ տեղեկատվություն՝ տեսանյութեր, լուսանկարներ և մամուլի հաղորդագրություններ, որպեսզի հնարավորություն ունենան նույնիսկ հեռվից լուսաբանելու միջոցառման ամբողջ ընթացքը: Այսինքն՝ այն ամենը, ինչ տեղի է ունենալու Էքսպոյի շրջանակներում, անընդհատ թարմացվելու է ներկայացված հարթակում, և միայն հավատարմագրված լրագրողները մուտքի հնարավորություն կունենան դեպի այդ ամբողջ տեղեկատվությունը», – «Արմենպրես»-ի հետ զրույցում ասաց Էկոնոմիկայի նախարարության մամուլի քարտուղար Գայանե Անտոնյանը՝ հորդորելով հայաստանյան ԶԼՄ-ների ներկայացուցիչներին հնարավորինս շուտ գրանցվել «Էքսպո 2020 Դուբայ»-ի կայքում, քանի որ ցուցահանդեսի մեկնարկին ընդամենը 2 շաբաթ է մնացել:

Իսկ գրանցվելու համար, ինչպես տեղեկացրեց «Էքսպո 2020 Դուբայ»-ում Հայաստանի տաղավարի հաղորդակցության թիմի ղեկավար Արմեն Ախիյանը, անհրաժեշտ է մուտք գործել media.expo2020dubai.com էլեկտրոնային հասցեով՝ լրացնելով անհրաժեշտ տվյալները:

Ինչ վերաբերում է ցուցահանդեսի բովանդակությանը և մասնավորապես Հայաստանի մասնակցությանը, ապա «Էքսպո 2020 Դուբայ»-ում մեր երկիրը հանդես կգա «Էթնոթեք» կոնցեպտով՝ աշխարհին ներկայացնելով Հայաստանի էթնիկ առանձնահատկությունները և տեխնոլոգիական հավակնությունները:

«Հայաստանը մասնակցելու է իր տաղավարով, և ներկայացված տեսահոլովակը նաև դրա մասին է, որ «Էթնոթեք» գաղափարի ներքո ներկայացվելու է ե՛ւ մեր անցյալը, ե՛ւ այդ անցյալից եկող մեր ազգային խառնվածքը այն առումով, որ հայերն իրենց պատմության ընթացքում միշտ եղել են նորարար, միշտ եղել են ստեղծագործ, ու այսօր էլ Հայաստանը փորձում է հետաքրքիր լուծումներով և տեխնոլոգիաներով հանդես գալ», – «Արմենպրես»-ին հայտնեց Արմեն Ախիյանը:

Զրուցակիցը շեշտեց, որ թեև «Էքսպո» անվանումը ինքնին ուղղորդում է դեպի ապրանքների, արտադրանքի ցուցադրություն, այդուհանդերձ, քանի որ «Էքսպո 2020 Դուբայ»-ը պետությունների ցուցահանդես է լինելու՝ այս պարագայում ոչ պակաս կարևոր է ցուցադրության ազգային-գաղափարական բաղադրիչը:

«Իրականում այս ցուցահանդեսը ոչ թե ապրանքների, այլ գաղափարների, համագործակցության, ընդհանուր հարցերի քննարկման էքսպո է լինելու: Պետք է ավելի գլոբալ նայենք հարցին», – ընդգծեց Ախիյանը:

Անշուշտ, լինելու է նաև ապրանքատեսակների ցուցադրություն, որի շրջանակում հանդես կգա նաև Հայաստանը: «Made in Armenia» («Արտադրված է Հայաստանում») խորագրով քառօրյա ցուցահանդեսին, որը տեղի կունենա 2022 թ. հունվարի 29-ից մինչև փետրվարի 1-ը, մասնակցելու են հայկական ընկերություններն ու արտադրողները՝ հնարավորություն ստանալով ոչ միայն ներկայացնել հայկական ապրանքներն ու ծառայությունները համաշխարհային շուկայում, այլև ստեղծել բիզնես կապեր և հանդիպել օտարերկրյա պոտենցիալ գործընկերների ու ներդրողների հետ:

Հայաստանի օրը «Էքսպո 2020 Դուբայ»-ում կլինի 2022 թ. հունվարի 30-ին: Այդ օրը էքսպո քաղաք կայցելի Հայաստանի բարձրաստիճան պատվիրակությունը՝ երկրի առաջին դեմքի գլխավորությամբ: Օրվա շրջանակներում տեղի կունենան նաև մշակութային միջոցառումներ:

«Էքսպո 2020» համաշխարհային ցուցահանդեսն անցկացվելու է Դուբայի հոյակերտ «Ալ Ուասլ» պլազայում (Al Wasl Plaza): Կմասնակցի 192 երկիր:

Հայկական տաղավարի հաղորդակցության հարցերով պատասխանատուն տեղեկացրեց, որ Էքսպո քաղաքը Դուբայում բաժանված է 3 գոտիների, որոնցից յուրաքանչյուրն ունի իր անվանումը՝ «Հնարավորություն» (Opportunity), «Կայունություն» (Sustainability) և «Շարժունություն» (Mobility): Հայաստանի տաղավարը տեղակայված է «Հնարավորություն» գոտում:

«Էքսպո 2020 Դուբայ»-ում Հայաստանի տաղավարի տարբերանշանը առաջին հայացքից կհիշեցնի QR կոդ՝ որպես ինֆորմացիայի հասանելիության ամենաարագ միջոց: Լոգոտիպի առանցքը հնագույն գորգագործության մեջ ընդունված Կենաց ծառի խորհրդանշանի պիքսելային պատկերն է՝ ՀՀ պետական դրոշի գույներով:

Կազմակերպիչների խոսքով՝ Հայաստանը նախորդ տարիներին մշտապես մասնակցել է համաշխարհային ցուցահանդեսներին, բայց նման մասշտաբների ցուցահանդեսի մասնակցելու է առաջին անգամ:

Դուբայի համաշխարհային ցուցահանդեսը պետք է անցկացվեր 2020 թվականին, սակայն հետաձգվել է կորոնավիրուսի համավարակի պատճառով:

Համաշխարհային այս էքսպոն աշխարհի ամենահին ցուցահանդեսային միջոցառումներից մեկն է: Այն անցկացվում է յուրաքանչյուր 5 տարին մեկ: Առհասարակ, միջազգային ցուցահանդեսները աշխարհում անցկացվում են շատ վաղուց՝ դեռևս 19-րդ դարից: Ի դեպ, Էյֆելյան աշտարակը, որն այսօր աշխարհի ամենահայտնի դիտարժան վայրերից է, կառուցվել է 19-րդ դ. վերջին Փարիզում անցկացվող էքսպոյի նպատակով:

Բաժիններ
Ուղիղ
Լրահոս
Որոնում