Վրաստանի ԿԸՀ-ն պատրաստվում է հոկտեմբերի 2-ին կայանալիք ՏԻՄ ընտրություններին:
Ընտրողների նորացված ցուցակը ԿԸՀ-ն կներկայացնի սեպտեմբերի 15-ին, ասել է ԿԸՀ նախագահ Գիորգի Կալանդարիշվիլին: Նրա խոսքով՝ ԿԸՀ-ն նորացված տվյալները ստանալուց հետո դրանց հիման վրա կկազմի մեկ ընտրացուցակ:
«Մենք հնարավորություն կունենանք բնակչության հետ միասին մեկ անգամ ևս տեսնել, թե ովքեր են հայտնվել այս ցուցակում: Մահացածները հանվել են ցուցակից, բայց նրանցից ոմանք դեռ կլինեն ցուցակներում, քանի որ կան համապատասխան ընթացակարգեր՝ ապահովելու այդ անձանց ցուցակներից հանելը: Այսինքն ՝ մահվան փաստը պետք է գրանցվի համապատասխան գերատեսչություններում», – ասել է Կալանդարիշվիլին «Իմեդի» հեռուստաալիքի եթերում:
Եթե չկա իրավական հիմք, և չի հաստատվել, որ մարդն իսկապես մահացել է, ապա նրան չի կարելի ցուցակից հանել, նշել է ԿԸՀ ղեկավարը: «Հետևաբար, իմ կարծիքով, կան որոշակի մանիպուլյացիաներ կապված ցուցակում մահացածների առկայության հարցի հետ», – ասել է Կալանդարիշվիլին:
Նրա խոսքով ՝ մի շարք հասարակական և քաղաքական կազմակերպություններ ԿԸՀ-ից պահանջել են ընտրացուցակներ՝ դրանք կրկնակի ստուգելու համար:
