Ֆիննական Տամպերե համալսարանը COVID-19-ի պատվաստանյութը կփորձարկի 6 ամսականից 12 տարեկան երեխաների վրա: Այս մասին հաղորդել է ֆիննական Yle հեռուստաալիքը։
Հետազոտողները փորձարկելու են Biontech/Pfizer ընկերությունների կողմից մշակված Comirnaty պատվաստանյութը: Հաղորդվում է, որ երկու տարեկանից բարձր խմբերբ արդեն ձևավորվել են, և այժմ գիտնականները փնտրում են 6 ամսականից մինչև մեկ տարեկան երեխաների՝ գործընթացում ընդգրկելու համար:
«Հետազոտությանը թույլատրվում է մասնակցեն մինչև 12 տարեկան առողջ երեխաները, ովքեր չունեն իմունային հիվանդություն, երեխաների և դեռահասների մոտ բազմահամակարգ բորբոքման համախտանիշ (MIS-C) կամ պատվաստանյութերի նկատմամբ ալերգիկ ռեակցիա»,-նշում է հեռուստաալիքը:
Մինչև վեց ամսական երեխաները պահպանում են արգանդում ստացած իմունիտետը, ուստի պատվաստման կարիք չունեն: Ընդհանուր առմամբ, ուսումնասիրությունը կիրականացվի չորս երկրներում, այդ թվում ՝ Իսպանիայում, ԱՄՆ -ում և Լեհաստանում:
Եթե պատվաստանյութը երեխաների վրա չնչին կողմնակի ազդեցություններով արդյունավետ կհամարվի, ապա նրանց պատվաստումը կարող է սկսվել հաջորդ տարվա սկզբին:
