Բելառուսի նախագահ Ալեքսանդր Լուկաշենկոն հայտարարել է, որ Մոսկվան և Մինսկը պայմանավորվել են ավելի քան մեկ միլիարդ դոլարի ռուսական զենքի մատակարարման մասին:
«Ես շատ շնորհակալ եմ Ռուսաստանի ղեկավարությանը, զինվորականներին և ռազմարդյունաբերական համալիրին, որ նրանք համաձայնեցրել են սպառազինությունների մի ամբողջ ցանկ, որոնք մինչև 2025 թվականը կլինի այստեղ։ Դա, իրոք, մոտ մեկ տասնյակ ինքնաթիռ է – մի մասն արդեն մեզ մոտ է։ Սրանք ուղղաթիռներ են, մի քանի տասնյակ, ТОР-М2 է: Մեծ ծավալներ, դա խոսում է այն մասին, որ և՛ մենք, և՛ Ռուսաստանի Դաշնությունը շատ լուրջ ենք ընդունում ահա այս արևմտյան ուղղությունը, որտեղ մենք գտնվում ենք անմիջականորեն շփման մեջ ՆԱՏՕ-ի զորքերի հետ», – ասել է պետության ղեկավարը:
Լուկաշենկոն նաև հայտնել է, որ Վլադիմիր Պուտինը Մոսկվայում կայացած բանակցություններում իրեն պատմել է C-500 ժամանակակից զենիթահրթիռային համակարգերի մասին:
«Շատ արդյունավետ համալիր է, այն արդեն, իմ կարծիքով, անցել է փորձարկումներ: Ես նրան ևս մեկ անգամ հիշեցրել եմ С-400-ի մասին, պատմել եմ նրան, թե որտեղ ենք ցանկանում այդ համալիրները դնել», – հավելել է Բելառուսի նախագահը։
Նա նաև ընդգծել է, որ երկու երկրների բանակները պատրաստ են ապահովել Միութենական պետության անվտանգությունը:
Սեպտեմբերի 10-16-ը Ռուսաստանի ինը զորավարժարաններում և Բելառուսում հինգ զորավարժարաններում անցկացվում է «Արևմուտք-2021» ռազմավարական զորավարժությունների գործնական փուլը:
