Կվարելիում «Վրաստանի բանկ»-ի մասնաճյուղի վրա հարձակված անձը ձերբակալվել է, 1tv.ge-ի հաղորդմամբ՝ այս մասին լրագրողներին հայտնել է ՆԳՆ-ի ռազմավարական հաղորդակցության վարչության տնօրեն Քեթևան Կովզիաշվիլին:
Նրա խոսքերով ՝ հետաքննությունը ընթանում է երեք հոդվածով:
«Կարող եմ վստահեցնել, որ մի քանի ժամ տևած հատուկ գործողությունը հաջողությամբ ավարտվեց: ՆԳ նախարարության աշխատակիցները ձերբակալեցին, վնասազերծեցին և բերման ենթարկեցին բանկում գտնվող և պատանդ վերցված անձին: Բոլոր պատանդներն ազատ են, նրանց կյանքին ու առողջությանը վտանգ չի սպառնում: Հետաքննությունը շարունակվում է»,- ասել է Քեթևան Կովզիաշվիլին:
Տարբեր ստորաբաժանումների ներկայացուցիչները դեռ գտնվում են տարածքում:
Հաղորդվում է, որ զինված անձը ներխուժել է բանկի մասնաճյուղ ժամը 16-ի սահմաններում: Ականատեսների վկայությամբ ՝ դիմակավորված հարձակվողը ձեռքին նռնակ էր պահում և սպառնում պայթեցնել այն: Բանկում գտնվող մարդկանցից ոմանց հաջողվեց լքել շենքը, իսկ ոմանք որոշ ժամանակ մնացին շենքում: Ներքին գործերի նախարարությունը հետագայում հաստատեց, որ բոլոր պատանդներն ազատության մեջ են, և որ ոչ մեկին վտանգ չի սպառնում: Հաղորդվում էր, որ հարձակվողը պահանջել է որոշակի գումար:
