Բազմիցս խոսվեց այն մասին, որ 30 տարվա մեջ առաջին անգամ Հայաստանի բարձրաստիճան պաշտոնյաները Արցախի Հանրապետության 30-ամյակի առիթով չայցելեցին Արցախ։ Նշվում է նաև, որ պատերազմից հետո հայկական պետությունների միջև կապն այնքան էլ սերտ չէ: Շատ լրատվամիջոցներ էլ գրեցին, որ իշխանական պատվիրակությունը թիկնազորով է շրջել, նրանց քարերով հետապնդել են։ Իրականում ինչ է տեղի ունեցել։ Թեմայի շուրջ «Առաջին լրատվական»-ը զրուցել է ԱԺ Պաշտպանության և Անվտանգության հարցերով մշտական հանձնաժողովի նախագահ Անդրանիկ Քոչարյանի հետ:
Արցախը իր արժեքը չի կորցրել և չէր կարող կորցնել: Մեզ հետ զրույցում նշեց ՔՊ խմբակցության պատգամավոր Անդրանիկ Քոչարյանը:
Հետպատերազմական Արցախը Ա․ Քոչարյանի բնորոշմամբ ունի կաշկանդվածության որոշակի դրսևորումներ․ «Հայաստանը պետք է մշտապես լինի Արցախում, Արցախը՝ Հայաստանում: ՀՀ իշխանությունները Արցախ գնալ-չգնալու որևէ վախ չունեն․ մենք գտնվում ենք հրադադարի ռեժիմում Մեր քայլերով չպետք է վնասենք հրադադարի ռեժիմի պահպանմանը, հաշվի առնելով որ այստեղ այլ խաղացողներ ևս կան:Մեր այցերը չպետք է Արցախի համար դարձնենք վտանգավոր խաղաքարտ»-ասաց Անդրանիկ Քոչարյանը:
