Վերջին երեք տասնամյակի կտրվածքով Թուրքիան և Ադրբեջանը մշտապես փորձել են ներկայացնել Հայաստանին՝ որպես տարածաշրջանում խաղաղությանը, կայունությանը սպառնալիք հանդիսացող երկիր, այժմ Անկարան կարծես փորձում է բերել այս քարոզչության տրամաբանական շարունակությունը՝ իրեն ներկայացնելով որպես խաղաղության ջատագով: Այս մասին «Առաջին Լրատվական»-ի հետ զրույցում ասաց թուրքագետ Գևորգ Կալլաշյանը՝ անդրադառնալով ՀՀ վարչապետ Նիկոլ Փաշինյանի հայտարարությանն այն մասին, որ որոշակի դրական ազդակներ կան Թուրքիայից:
Մեր զրուցակիցը կարծում է, որ Թուրքիայի կողմից տարվող քաղաքականությունում դժվար է դրական ինչ-որ տեղաշարժ, ազդակ տեսնել: «Ինչպես այս օրերին բազմիցս նշվել է նախապայմանների լեզուն շարունակում է գերակա լինել Թուրքիայի վարած քաղաքականության մեջ: Իհարկե, երբ պետության ղեկավարը հրապարակային մակարդակով խոսում է խաղաղության և կայունության մասին տարածաշրջանում, չի կարող այս կողմից լինել արձագանք, որ մենք խաղաղության և կայունության կողմնակից չենք: Իմաստ չունի բացասական ազդակ ուղարկել: Եթե հարցը դիտարկենք այս տրամաբանության մեջ, ՀՀ վարչապետի հայտարարությունը նորմալ է, բայց իրական գործընթացներին նայելիս տեսնում ենք, որ դրական փոփոխություններ չկան»:
Առավել մանրամասն՝ տեսանյութում:
