Իսրայելում մեկ օրում ի հայտ է բերվել կորոնավիրուսով վարակման 10 947 դեպք։ Դա օրվա կտրվածքով առավելագույն ցուցանիշն է երկրում պանդեմիայի ողջ ընթացքում։ Այս մասին հայտնում է The Times оf Israel-ը։
Առավել շատ թեստավորման են ենթարկվել երեխաները՝ նոր ուսումնական տարվա մեկնարկին ընդառաջ։ Արդյունքում պարզվել է, որ նոր վարակակիրների մեծ մասն անչափահասներն են։
Դեռևս իշխանությունը որևէ հայտարարություն չի արել դպրոցներում ուսուցման մեկնարկի հետաձգման կամ չեղարկման վերաբերյալ։
Ավելի վաղ հաղորդվել էր, որ Իսրայելի դպրոցներում հավելյալ սահմանափակումներ կմտցվեն․ դասարանները, որտեղ պատվաստված կլինի սովորողների 70 տոկոսից քիչը, կանցնեն հեռավար ուսուցման։