Եվրամիությունը պլանավորում Է հանձնարարական թողարկել առանց հատուկ հրատապության ամերիկացիների համար մուտքի ժամանակավոր արգելքի մասին: Այդ մասին հաղորդել Է The Wall Street Journal-ը՝ վկայակոչելով դիվանագիտական շրջանների աղբյուրի, տեղեկացնում Է «Արմենպրես»-ը:
Հրատարակության տվյալներով՝ եվրոպացի պաշտոնյաները սկսել են այդ նախաձեռնությունն ակտիվորեն քննարկել անցյալ ամսին ԱՄՆ-ում կորոնավիրուսով վարակման հաճախացած դեպքերի պատճառով, ընդ որում՝ ներկա դրությամբ վարակումների միջին մակարդակը Ամերիկայում գերազանցել Է Եվրամիության ցուցանիշները:
Բացի այդ, միության նախագահի տեղն զբաղեցնող Սլովենիան կոչ Է արել «արգելված» ցուցակի մեջ ներառել ոչ միայն ԱՄՆ-ը, այլեւ հինգ ուրիշ երկրներ, որտեղից առայժմ թույլատրված են ոչ պարտադիր ուղեւորությունները, ասվում Է հոդվածում: ԱՄՆ-ը աշխարհում առաջին տեղն Է զբաղեցնում կորոնավիրուսով վարակման դեպքերի եւ մահվան դեպքերի թվաքանակով: Ջոնս Հոփքինսի համալսարանի վերջին տեղեկատվության համաձայն, երկրում վարակվել Է արդեն 38,7 միլիոն մարդ եւ մահացել՝ ավելի քան 637 հազարը, հաղորդել Է ՌԻԱ Նովոստին:
