Լեհաստանը ոստիկաններ Է ուղարկում Բելառուսի հետ սահմանը պահպանելու գործում Լիտվային օգնելու համար: Այդ մասին հայտնել Է երկրի ներքին գործերի նախարար Մարիուշ Կամինսկին:
«Լիտվայի կառավարությունը դիմել Է մեզ՝ խնդրելով աջակցել»,-ասել Է Կամինսկին՝ հանդես գալով օգոստոսի 30-ին տեղի ունեցած մամուլի ասուլիսում:
«Դուք մեզ կօգնեք լիտվական պետության սահմանների անվտանգությունն ապահովելու գործում, որը մեր ռազմավարական գործընկերն Է»,-հայտարարել Է նա՝ դիմելով ոստիկաններին: Նախարարը վստահություն Է հայտնել, որ անօրինական միգրանտները վստահ են, որ «Եվրամիության սահմանը բաց Է»:
«Եվրամիության սահմանը բաց չԷ: Լիտվայի կառավարությունը եւ Լեհաստանի կառավարությունը թույլ չեն տա զանգվածաբար խախտել սահմանը»,-ասել Է նա:
Իր հերթին Լեհաստանի գլխավոր պարետ Յարոսլավ Շիմչակը հիշեցրել Է, որ 2016 թվականին Լեհաստանից ոստիկանները ներգրավվել են Հունգարիայի եւ Սերբիայի սահմանների պահպանության գործում, երբ այնտեղ միգրացիոն ճգնաժամ Էր առաջացել: Վերջին ժամանակներս Լիտվան, Լատվիան եւ Լեհաստանը հայտարարում են Բելառուսի հետ սահմանի վրա ձերբակալված անօրինական միգրանտների թվի աճի մասին:
Բելառուսի նախագահ Ալեքսանդր Լուկաշենկոն հայտարարել Է, որ Մինսկն այլեւս չի զսպելու ԵՄ-ի երկրներ անօրինական միգրանտների հոսքը. Արեւմուտքի պատժամիջոցների պատճառով դրա համար չկա «ո՛չ փող, ո՛չ ուժեր»: Բելառուսի սահմանապահները քանիցս հայտարարել են, որ Լիտվան, Լատվիան եւ Լեհաստանը բռնի կերպով միգրանտներին վտարում են սահմանակից տարածք:
Բելառուսի Պետական սահմանապահ կոմիտեի վարչության պետի տեղակալ Ալեքսեյ Սիտենկովն ավելի վաղ նշել Է, որ ԵՄ-ի սահմանակից երկրները խախտում են միջազգային պայմանագրերի նորմերը անօրինական միգրանտների հետ կապված իրադրության պայմաններում, հաղորդել Է ՌԻԱ Նովոստին:
