Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան պատրաստվում է գնել Ռուսաստանից С-400 զենիթահրթիռային համակարգի երկրորդ խմբաքանակը՝ չնայած Միացյալ Նահանգների ճնշմանը, հայտնում է թուրքական NTV հեռուստաալիքը:
«Մենք կասկածներ չունենք Ռուսաստանից C-400 երկրորդ փաթեթը գնելու հարցում: Մենք Ռուսաստանի հետ բազմաթիվ քայլեր ենք ձեռնարկում. լինի դա C-400- ը, թե պաշտպանական արդյունաբերության այլ ոլորտներ: Մենք հրդեհները մարելու համար օգտագործեցինք ռուսական ինքնաթիռներ: Մեր վերջին հեռախոսազրույցում մենք քննարկեցինք այդ թեման: Երբ ես գնամ Ռուսաստան, մենք նորից կքննարկենք այդ ամենը», – ասել է Էրդողանը:
«Ռոսօբորոնէքսպորտի» գլխավոր տնօրեն Ալեքսանդր Միխեևը «Բանակ -2021» միջազգային ռազմատեխնիկական ֆորումի ժամանակ ավելի վաղ ասել էր, որ շուտով Թուրքիայի հետ պայմանագիր կստորագրվի С-400 ՀՕՊ համակարգերի երկրորդ խմբաքանակի մատակարարման վերաբերյալ:
