7-րդ շաբաթ օրն է արդեն Փարիզում բողոքի ակցիաներ են անցկացվում սանիտարական անցագրերի կիրառման դեմ: Այս մասին հայտնում է Ռիա Նովոստին:
Բողոքի ակցիաներից մեկը կազմակերպել են «դեղին բաճկոնները»: Այն անցկացվել է Փարիզի Պորտ Ռուայալ երկաթուղային կայարանից և ակցիային մասնակիցներն անցել են նույնանուն պողոտայով:
Ակցիայի մասնակիցների ձեռքին Ֆրանսիայի դրոշներ են և սանիտարական անցագրերի դեմ բողոք արտահայտող բովանդակությամբ պաստառներ: Ակցիան խաղաղ է ընթանում, մասնակիցներին ուղեկցում է Ֆրանսիայի ոստիկանությունը:
Բողոքի ևս մեկ ակցիա մեկնարկել է Փարիզի Ժոֆֆրա շրջանում:
Բողոքի երրորդ ակցիան էլ անցկացվում է Դանֆեր-Ռոշռո հրապարակում: Ամբողջ Ֆրանսիայում այսօր նախատեսված է անցկացնել բողոքի 200 ակցիա:
Մոտավոր տվյալներով դրանց մասնակցում է 140 -180 հազար մարդ, որից 12-20 հազարը միայն Փարիզում:
Ֆրանսիայի ներքին գործերի նախարարության տվյալներով անցած շաբաթ օրը երկրում բողոքի ակցիաների էր դուրս եկել 175 հազար մարդ, իսկ օգոստոսի 14-ին անցկացված ակցիաներին Փարիզում մասնակցել էր 215 հազար մարդ:
Օգոստոսի 9-ից Ֆրանսիայում սանիտարական անցագրերը պարտադիր են սրճարաններ, ռեստորաններ, առևտրի կենտրոններ այցելության, ինչպես նաև ինքնաթիռով կամ երկաթուղային տրանսպորտով ճանապարհորդելու համար:
Անցաթուղթը տեղեկություն է պարունակում CОVID-19-ի դեմ պատվաստման, թեստավորման բացասական պատասխան կամ կորոնավիրուսով վարակվելու և առողջանալու մասին: