«Առաջին լրատվական»-ի զրուցակիցն է «Ժողովրդավարական հայրենիք» կուսակցության նախագահ Պետրոս Մակեյանը։
-Պարոն Մակեյան, ի՞նչ դիտարկումներ ունեք խորհրդարանում ընթացող իրադարձությունների շուրջ։ Նման մթնոլորտում հնարավո՞ր է արդյունավետ աշխատանք իրականացնել։
-Ես իմ նախկին հարցազրույցում ասել եմ, որ քաղաքական ճգնաժամը չի հանգուցալուծվել, պարզապես իրենց պատվիրատուների ուղղորդմամբ այն տեղափոխվել է Ազգային ժողովի դահլիճ։Ես ժամանակին ասել եմ, որ հիմնական խոսույթը լինելու է,թե ով է կապիտուլյանտը, ով է հող հանձնողը, ովէ դավաճանը; Մենք տեսնում ենք հենց այդ իրողությունը։ Շատ տխուր ու բարդ իրավիճակ է։ Հիմա թաղային ռազբորկա է գնում, թե ով ում ծնկի կբերի, կկոտրի։Ցավոք սրտի՝ երկու կողմցի էլ <ֆաս>-ի հրամանը կա։ Մենք տեսանք և՛ իշխանության և՛ ընդդիմության կողմից նմանատիպ պահվածք։ Կրկին անգամ սա բերում է մի եզրակացության, որ այսպես երկար շարունակվել չի կարող։Երկու կողմն էլ չեն զիջում ու երկուսն էլ պատասխանատու են Հայաստանում ստեղծված այս իրավիճակի համար։ Մեկը մյուսին ասում է՝ ավազակը դու ես, գողը դու ես ու այսպես շարունակ։ Կյանքը շարունակվում է, թող փորձեն հետևություններ անել։
-Դուք նշում եք, որ այս խորհրդարանը երկար կյանք ունենալ չի կարող, կարծում եք կլինեն նոր արտահերթ ընտրություննե՞ր։
-Իմ տպավորությամբ նոր արտահերթ ընտրություններն անխուսափելի են, որովհետև այն քաղաքական ճգնաժամը, որ պետք է հանգուցալուծվեր՝ չի լուծվել։ Մուկուչյանի մեթոդաբանությամբ 54 տոկոս ստանալն իրականում հնարավոր չէր։ Մաքսիմում պետք է գնար երկրորդ փուլ, բայց այն կանխվեց։ Քաղաքական ճգնաժամը չի լուծվել, այսօր Ազգային ժողովում է այս վիճակը, վաղը շարունակվելու է փողոցում։Ո՛չ իշխանությունը և ոչ էլ պետությունը չունեն այնքան ռեսուրս, որ դիմակայեն այս քաոսին; Ուզենք թե չուզենք լինելու են արտահերթ ընտրություններ։ Բայց անընդհատ երկու տարին մեկ արտահերթ ընտրությունների ռիթմով էլ չենք կարող գնալ։
-Նոր արտահերթ ընտրության դեպքում կարծում եք այլ պատկեր կլինի՞։
-Խնդիրը հենց դա է։ Քաղաքական դաշտում այսօր երևացողը երկու ուժ է՝ երկիրն ավերողներն ու կործանման տանողները՝ և նախկին և՛ ներկա։ Եթե վաղը ընտրություն լինի, ի՞նչ ուժերով լինեն։ Նորերն էլ արդեն սովորել են օգտագործել այն ռեսուրսները, որ օգտագործում էին նախկինները։Ինչ-որ նախկինն է օգտագործել, իրենք այդ համակարգից շատ գեղեցիկ ձևով օգտվում են։ Թող ոչ մեկ սուրբ չձևանա։
