Արևմտյան երկրները Քաբուլից դուրս են բերում այն մարդկանց, ովքեր կարող են օգտակար լինել Աֆղանստանին: Այս մասին The New York Times- ում հրապարակված հարցազրույցում հայտարարել է «Թալիբան» շարժման ներկայացուցիչ Զաբիհուլլահ Մուջահիդը:
Օգոստոսի 14 -ից ի վեր, Միացյալ Նահանգները Աֆղանստանից տարհանել է ավելի քան 82 հազար մարդու, որոնցից միայն 4,5 հազարն են ամերիկացիներ ու նրանց ընտանիքների անդամներ:
«Նրանք չպետք է խառնվեն մեր երկրի գործերին և խլեն մարդկային ռեսուրսները՝ բժիշկներին, դասախոսներին և այլ մարդկանց, որոնք մեզ այստեղ պետք են: Ամերիկայում նրանք կարող են դառնալ խոհարարներ կամ ափսե լվացողներ: Սա անմարդկային է», – ասել է Մուջահիդը և ավելացրել, որ բոլոր նրանք, ովքեր երկրից հեռանալու համար ունեն օրինական փաստաթղթեր, կկարողանան առանց դիմադրության գնալ մայրաքաղաքի օդանավակայան:
«Թալիբան» շարժման ներկայացուցիչը նաև մերժել է այն պնդումները, թե շարժման զինյալները հետապնդում են նրանց, ովքեր դեմ են իրենց, և ցանկանում են կանանց համար խիստ կանոններ սահմանել:
«Մենք ցանկանում ենք կառուցել ապագան և մոռանալ անցյալում կատարվածը», – նշել է Մուջահիդը:
Դեռ հազարավոր մարդիկ փորձում են Աֆղանստանից դուրս գալլ: Օդանավակայանի թռիչքուղու վրա ամբոխը ցրելու համար զինվորականները, այդ թվում ՝ ամերիկացի, ստիպված են արցունքաբեր գազ կիրառել և օդ կրակել: Մարդիկ կառչել են նույնիսկ օդանավերի ֆյուզելաժներից և շասսիներից: Ըստ վերջին տվյալների՝ շաբաթվա ընթացքում այս միջադեպերի հետևանքով զոհվել է առնվազն 20 մարդ: Արմատականներն ԱՄՆ-ին են մեղադրել օդանավակայանում ստեղծված իրավիճակի համար: