Այսօր մեր խմբագրություն զանգահարած քաղաքացին դժգոհեց, որ վաղ առավոտից իրենց հոսանքն անջատված է թեև իրենք պատշաճ բոլոր վճարումները կատարել են։
Սիլիկյան թաղամաս, 9-րդ. փողոց, 9-րդ. Տուն հասցեում բնակվող քաղաքացին զանգահարել է ՀԷՑ պարզելու, թե ինչու իրենք հոսանք չունեն և իրենց պատասխանել են, որ պայմանագրի ժամկետը լրացել է և հարկավոր է նոր պայմանագիր կնքել։ Իսկ քանի որ նոր պայմանագիրը չի կնքվել,դրա համար էլ հոսանքն անջատվել է։ Քաղաքացու խոսքով, սակայն, որևէ մեկը ՀԷՑ-ից իրենց չի զգուշացրել պայմանագրի ժամկետի ավարտի և նոր պայմանագիր կնքելու մասին․»Հիմա ես ուզում եմ հասկանալ, ինչու պետք է ես մի ամբողջ օր, այդ թվում գիշերը հոսանք չունենամ իրենց մեղքով։ Ես որտեղի՞ց պետք է իմանայի, որ պայմանագրի ժամկետը լրացել է։
Թող բարի լինեին զգուշացնեին, ծանուցում ուղարկեին, ես էլ գնայի ու վերակնքեի պայմանագիրը։ Ու հիմա, երբ զանգում եմ ՀԷՑ ասում են, որ ոչինչ չեն կարող անել, արդեն ուշ ժամ է, մնաց վաղը»,_ասաց Վազգեն Համբարձումյանը՝ հավելելով, որ ամբողջ օրը հոսանք չունենալու պատճառով իր բոլոր գործերը մնացել են անավարտ և ինքը լուրջ խնդիրներ է ունեցել։
