Facebook ընկերությունը մտադիր է հիմնական հավելված վերադարձնել ձայնային և տեսազանգերի գործառույթը, որը տարիներ առաջ տեղափոխվել էր Messenger։ Այժմ այս հնարավորությունը փորձարկվում է օգտվողների սահմանափակ շրջանակի կողմից։ Նրանք կարող են զանգահարել իրենց ընկերներին սոցիալական ցանցերում՝ առանց դրա համար Messenger-ը գործարկելու: Այս մասին Bloomberg- ին ասել է Messenger-ում արտադրանքների կառավարման հարցերով տնօրեն Քոննոր Հեյսը: Նրա խոսքով՝ ընկերությունն այժմ դիտարկում է Messenger-ը որպես ծառայություն, այլ ոչ թե որպես ինքնուրույն հավելված։
Մեսենջերի բոլոր հիմնական գործառույթներն ի վերջո հասանելի կդառնան Facebook- ի շատ այլ արտադրանքներում, օրինակ Instagram-ում։
Ընկերությունն արդեն սկսել է իր ծրագրերի հաղորդակցական գործառույթների ինտեգրումը: Անցյալ տարվա սեպտեմբերին Messenger-ի և Instagram- ի միջև հայտնվել է կրոսս պլատֆորմային հաղորդագրությունների համակարգ, որի շնորհիվ մեկ հավելվածի օգտատերը կարողանում է նամակագրվել մեկ այլ օգտատիրոջ հետ Facebook-ի միասնական էկոհամակարգի շրջանակներում:
Ակնկալվում է, որ ինտեգրումն ապագայում կազդի WhatsApp մեսենջերի վրա: Հնարավոր կլինի նաև շփվել Instagram-ի և Messenger-ի օգտվողների հետ, և հակառակը: