Դեպքի վայր է մեկնել 3 մարտական հաշվարկ, հրդեհի բարդության աստիճանի վերաբերյալ տեղեկություններ չեն հաղորդվում։
Հրդեհ է բռնկվել Երևանի Բուսաբանական այգում։ Տեղեկությունը հայտնում է ԱԻՆ մամուլի ծառայությունը։
Ըստ հաղորդագրության՝ Ճգնաժամային կառավարման ազգային կենտրոնն ահազանգը ստացել է ժամը 18:59-ին։ Ըստ ահազանգի՝ այրվում է խոտածածկ տարածք:
«Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը»,- նշված է հաղորդագրության մեջ։
Հրդեհը մեկուսացվել է ժամը 19։44-ին։
Հրդեհի բարդության վերաբերյալ մանրամասներ առայժմ չեն հաղորդվում։
