ԱՄՆ-ը դաշնակիցների եւ գործընկերների հետ կարողացել Է օգոստոսի 14-ից Քաբուլի օդանավակայանից ինքնաթիռներով դուրս տանել արդեն մոտավորապես 58,7 հազար մարդ: Օգոստոսի 24-ին այդ մասին հայտնել Է Սպիտակ տան մամուլի քարտուղարի տեղակալ Էնդրյու Բեյթսը:
«Գրեթե 21,6 հազար մարդ Է տարահանվել Քաբուլից օգոստոսի 23-ի՝ ԱՄՆ-ի Արեւելյան ափի ժամանակով 03:00-ից մինչեւ օգոստոսի 24-ի 03:00-ը (Երեւանի ժամանակով օգոստոսի 23-ի 11:00-ից մինչեւ օգոստոսի 24-ի 11:00-ն) ընկած ժամանակամիջոցում: Օգոստոսի 14-ից մենք դուրս ենք տարել շուրջ 58,7 հազար մարդ, հուլիսի վերջից՝ 63,9 հազար մարդ»,- նշել Է նա Twitter-ի՝ իր Էջում:
Ապրիլին Աֆղանստանից ամերիկյան զորքերը դուրս բերելու մասին ԱՄՆ-ի նախագահ Ջո Բայդենի հայտարարությունից հետո «Թալիբանը» հարձակում Է ծավալել կառավարական ուժերի վրա եւ օգոստոսի 15-ին առանց մարտի մտել Քաբուլ: Աֆղանստանի նախագահ Աշրաֆ Ղանին վայր դնելով լիազորությունները՝ լքել Է երկիրը: Արեւմտյան պետությունները տարահանում են իրենց քաղաքացիներին, այդ թվում դիվանագետներին, ինչպես նաեւ երկրից հեռանալ ձգտող աֆղաններին Քաբուլի օդանավակայանից, հաղորդել Է ՏԱՍՍ-ը:
