Լեհաստանը Բելառուսի հետ սահմանը հսկող զինվորների թիվը կհասցնի երկու հազարի, երկուշաբթի լրագրողներին ասել է Լեհաստանի ազգային պաշտպանության նախարար Մարիուշ Բլաշակը:
Ավելի վաղ Պաշտպանության նախարարությունը հազար զինվոր էր ուղարկել Բելառուսի հետ սահմանին գտնվող սահմանապահներին օգնելու համար:
Ներկայում մի քանի տասնյակ անօրինական միգրանտներ դեռևս արգելափակված են մնու Բելառուսի և Լեհաստանի սահմանին։ Միգրանտները փորձել են անօրինական ճանապարհով մեկնել Լեհաստան: Լեհական և բելառուսական սահմանապահները շրջապատել են նրանց և թույլ չեն տալիս մուտք գործել երկրներից որևէ մեկը: Լեհական կողմը պնդում է, որ միգրանտները գտնվում են Բելառուսի տարածքում, այլ ոչ թե չեզոք գոտում։
Լեհ սահմանապահների տվյալներով, օգոստոսի սկզբից 2,1 հազար մարդ փորձել է անօրինական կերպով հատել սահմանը Բելառուսից:
