Ռուսաստանի արտգործնախարար Սերգեյ Լավրովը հունգարական Magyar Nemzet թերթին տված հարցազրույցում համեմատել է Ռուսաստանի և ԱՄՆ -ի հարաբերությունները սառը պատերազմի ժամանակաշրջանի հետ:
Նրա խոսքով ՝ Մոսկվան և Վաշինգտոնը ներկայում հեռու են առճակատման ամենացածր կետից, որը նկատվել է 1962 թվականի «Կարիբյան ճգնաժամի» ժամանակ, երբ կողմերը բառացիորեն միջուկային պատերազմի շեմին էին: «Այսօր աշխարհում ռազմաքաղաքական իրավիճակը նմանություններ ունի սառը պատերազմի ժամանակաշրջանի հետ, և մեծ, հիմնարար տարբերություններ։ Այնուամենայնիվ, չի կարելի անտեսել աշխարհի հիմնական խաղացողների միջև եղած հակասությունները, որոնք, ցավոք, շարունակում են խորանալ»,- ասել է նա:
Լավրովի հայտարարությամբ, դրա պատճառներից մեկը Ռուսաստանի և Չինաստանի զարգացումը զսպելու ԱՄՆ-ի քաղաքականությունն է: Նրա կարծիքով՝ այս քաղաքականության մի մասն է հանդիսանում զենքի վերահսկման ոլորտում համաձայնագրերի համակարգի միակողմանի կազմաքանդումը, ինչպես նաև ռազմական գործողությունների եվրոպական և խաղաղօվկիանոսյան թատերաբեմերում Միացյալ Նահանգների հզորությունների ավելացումը: