Ախալցխայի շրջանի Ուրավելի գյուղում ոգեկոչման արարողությանը վարակվել է 41 մարդ, այդ թվում՝ հղի կանայք և երեխաներ, հաղորդում է «Ռուսթավի 2» հեռուստաալիքը:
Հեռուստաալիքի տվյալներով՝ 84 ամյա կնոջ հիշատակի արարողությանը հավաքվել էր 19 ընտանիք: Ընդհանուր առմամբ վարակվել է 41 մարդ, նրանցից հինգը հայտնվել են կլինիկայում, այդ թվում՝ երկու հղի կին և մի երեխա: Մնացածը բուժվում են տանը:
Պաշտոնապես Վրաստանում անցյալ տարվանից արգելված են զանգվածային հավաքները, որտեղ ներկա է ավելի քան 10 մարդ: Սակայն արգելքը չի հարգվում:
Համաճարակաբանները որպես կորոնավիրուսի տարածման հիմնական պատճառ նշում են թաղումները և հարսանիքները:
Վրաստանում կորոնավիրուսի տարածման չորրորդ ալիքն է: Գարնանը երկիրը տարավ երրորդ ալիքը, սակայն ամենաուժեղն էր 2020 թվականի աշնան երկրորդ ալիքը, երբ համաճարակաբանները օրական հայտնաբերեում էին կորոնավիրուսի 4-5 հազար դեպք: Մինչ օրս վարակի ամենօրյա ցուցանիշներն արդեն գերազանցել են երկրորդ ալիքի ցուցանիշները: Հիվանդանոցային հատվածը ծանրաբեռնված է:
