Աֆղանստանում փախստականների թիվը հասել է 3,7 մլն-ի, նրանց 80%-ը կանայք և աղջիկներ են: Այս մասին հայտարարել է Եվրահանձնաժողովի նախագահ Ուրսուլա ֆոն դեր Լայենը: Մինչ այդ նա այցելել էր Իսպանիայում աֆղան փախստականների ընդունման ժամանակավոր կենտրոն:
ԵՄ-ն աֆղանցիների համար կազմակերպում է երկրից դուրս գալու օրինական և անվտանգ ճանապարհ: ԵՄ-ն G7-ի հաջորդ հանդիպմանն առաջարկելու է քննարկել ներգաղթյալների ընդունման և տեղավորման միջազգային սխեման:
«Մենք հաջորդ շաբաթ G7 -ի հանդիպմանը կառաջարկենք միջազգային սխեմա, թե ինչպես ընդունել ու տեղավորել Աֆղանստանի փախստականներին: ԵՄ-ն մտադիր է նրանց համար ներգաղթի օրինական և անվտանգ ճանապարհ կազմակերպել»,- ասել է Ուրսուլա ֆոն դեր Լայենը: