Աֆղանստանի նախագահ Աշրաֆ Ղանիի հարազատ եղբայրը՝ Հաշմատ Ղանի Ահմադզայը միացել է «Թալիբան» շարժմանը: Այս մասին «Աֆղանստանի իսլամական էմիրատները» հայտարարություն է տարածել իր Twitter-ի էջում:
60 ամյա Հաշմատ Ղանին 2002 թվականից հանդիսանում է աֆղանական էթնիկ խմբի՝ կուչիների Մեծ խորհրդի ղեկավարը: Միևնույն ժամանակ նա ղեկավարում է The Ghani Group կոնգլոմերատը, որի կազմում ընդգրկված են արտահանման և ներմուծման հարցերով զբաղվող, շինարարական կազմակերպություններ, ինչպես նաև ընկերեություններ, որոնք անվտանգության ծառայություններ են մատուցում անհատներին և կառավարական պաշտոնյաներին: The Ghani Group գլխավոր գրասենյակը գտնվում է Քաբուլում, իսկ դուստր ձեռնարկություններից մեկը Դուբայում է: