Ընթացիկ տարվա երկրորդ եռամսյակում Հարավաֆրիկյան Հանրապետությունում (ՀԱՀ) կատարված հանցագործությունների թվի աճն անցյալ տարվա նույն ժամանակամիջոցի համեմատությամբ կազմել Է 60,6 տոկոս: Օգոստոսի 20-ին կայացած ճեպազրույցում այդ մասին հայտնել Է ՀԱՀ-ի ոստիկանության գործերի նախարար Բեկի Ցելեն՝ ներկայացնելով 2021 թվականի ապրիլ – հունիսին հանցագործությունների վերաբերյալ հաշվետվությունը:
«Սպանությունների քանակն աճել Է 66,2 տոկոսով՝ մինչեւ 5 760,- հայտարարել Է ներքին գործերի նախարարության ղեկավարը, որի ելույթը հեռարձակվել Է նախարարության պորտալում:- Այդքան զգալի աճի պատճառն այն փաստն Է, որ վերացվել են կորոնավիրուսային համավարակի կապակցությամբ կարանտինային շատ սահմանափակումներ, որոնք գործում Էին անցյալ տարի:
Կատարվել Է 181 հարձակում ֆերմաների վրա, դրա հետեւանքով սպանվել Է 15 մարդ: Ցելեն նշել Է, որ Հարավաֆրիկյան Հանրապետությունում սպանությունների գլխավոր պատճառը վեճերն են, որոնք վերաճում են բռնության ակտերի: Նախարարը հայտնել Է, որ ընթացիկ տարվա երկրորդ եռամսյակում երկրում արձանագրվել Է 10 006 բռնաբարություն կամ 72,4 տոկոսով ավելի, քան 2020 թվականի նույն ժամանակամիջոցում: Ծանրացուցիչ հանգամանքներով կողոպուտների քանակն ավելացել Է 92,2 տոկոսով, հաղորդել Է ՏԱՍՍ-ը: