Tesla ընկերությունը հայտարարել է սեփական մշակման մարդանման Tesla Bot ռոբոտի ստեղծման մասին: Արհեստական բանականությամբ հագեցած մոդելի նախատիպը կհայտնվի 2022 թվականին, հայտնում է մասնագիտացված Teslarati պորտալը:
Ռոբոտը կունենա մի շարք սենսորներ, որոնք օգտագործվում են Tesla-ի էլեկտրական սարքերում:
Իլոն Մասկը հայտարարել է, որ ռոբոտի բարձրությունը կկազմի 172 սանտիմետր, իսկ քաշը՝ մոտ 56 կիլոգրամ: Դեմքի փոխարեն այն կունենա տեղեկատվական էկրան, իսկ ձեռքերի ու ոտքերի շարժումները կվերահսկվեն 40 շարժակների կողմից:
«Tesla-ին արդեն կարելի է անվանել աշխարհի ամենամեծ ռոբոտաշինարար, քանի որ մեր մեքենաները նման են անիվների վրա կիսախելացի ռոբոտների»,-հայտարարել է Մասկը: Նրա խոսքով՝ ռոբոտը օգտակար կլինի առօրյա կյանքում, օրինակ՝ կկարողանա գնալ խանութ և բերել տարատեսակ իրեր: Ենթադրվում է, որ նա ընկերասեր կլինի, եզրափակել է ընկերության ղեկավարը:
