Ամենշաբաթյա ճեպազրույցի ժամանակ ՌԴ արտգործնախարարության պաշտոնական ներկայացուցիչ Մարիա Զախարովան անդրադարձել է Հայաստանի և Ադրբեջանի սահմանին իրավիճակի սրմանը:
ՌԴ ԱԳՆ ներկայացուցիչը նաև խոսել է Հայաստանի և Ադրբեջանի միջև սահմանի սահմանազատման շուրջ բանակցությունների վերսկսման մասին:
«Ինչ վերաբերում է եռակողմ աշխատանքային խմբին, Ռուսաստանի Դաշնության, Ադրբեջանի և Հայաստանի փոխվարչապետների համատեղ համանախագահությամբ, ինչպես հավանաբար արդեն տեսաք, հաղորդումներ են հրապարակվել այն մասին, որ օգոստոսի 17-ին այն վերսկսել է իր գործունեությունը: Նիստը տեղի է ունեցել Մոսկվայում, համապատասխան տեղեկատվությունը տեղադրված է Ռուսաստանի Դաշնության կառավարության կայքում, և մենք գոհունակությամբ նշում ենք, որ կողմերին հաջողվել է վերադառնալ Հարավային Կովկասում տնտեսական և տրանսպորտային կապերի ապաշրջափակման մոտեցումների պրակտիկ քննարկմանը: Մեր տեսանկյունից դա կոչված է նպաստել այս տարածաշրջանի զգալի տնտեսական ներուժի բացահայտմանը»,- նշել է Մարիա Զախարովան:
