Աֆղանստանի Ասադաբադ քաղաքում անկախության օրվա առթիվ կազմակերպված հանրահավաքի ժամանակ թալիբները կրակ են բացել մարդկանց բազմության վրա, որոնք ազգային դրոշն են բարձրացրել: Նաև հրմշտոց է տեղի ունեցել: Reuters-ի փոխանցմամբ՝ ականատեսները հայտնել են, որ կան զոհեր:
Ասադաբադը երկրի արևելյան Կունար նահանգի մայրաքաղաքն է: Այն գտնվում է Ջալալաբադից ոչ հեռու, որտեղ նախօրեին «Թալիբանի» դեմ ցույցեր էին տեղի ունեցել: 3 մարդ սպանվել էր այն ժամանակ, երբ տեղի բնակիչները փորձել էին հրապարակում բարձրացնել Աֆղանստանի դրոշը:
Աֆղանստանն արդեն մի քանի օր է՝ գտնվում է «Թալիբանի» վերահսկողության տակ: Թալիբներն իրենց առաջախաղացումը սկսել էին այն ժամանակ, երբ ԱՄՆ-ն հայտարարեց իր զորքերը դուրս բերելու մասին: