Աֆղանստանից փախուստի դիմած նախագահ Աշրաֆ Գանին այլևս չի հանդիսանում այդ երկրում քաղաքական ֆիգուր։ Այս մասին հայտարարել է ԱՄՆ պետքարտուղարի առաջին տեղակալ Ուենդի Շերմանը։
Պետդեպարտամենտում ճեպազրույցի ժամանակ Շերմանին խնդրել են գնահատական տալ տեսաուղերձին, որը Գանին, գտնվելով ԱՄԷ-ում, տեսագրել է աֆղան ժողովրդի համար։
«Գանին Աֆղանստանում այլևս չի հանդիսանում քաղաքական ֆիգուր»,-հայտարարել է բարձրաստիճան ամերիկացի դիվանագետը։
Ավելի վաղ հայտնել էինք, որ Աշրաֆ Գանին ԱՄԷ-ում հոսպիտալացվել է։ Այնուհետև նրա ֆեյսբուքյան էջում աֆղան ժողովրդին հասցեագրված ուղերձ հրապարակվեց, որում նա բացատրել է փախուստի պատճառները։