Երկիրն ունի ռեսուրսներ օրական 30 հազար մարդու պատվաստելու համար, սակայն հնարավոր է մեծ մարաթոն կազմակերպել, և այս թիվը հասնի 50 հազարի: Այդ մասին ասել է Վրաստանի հիվանդությունների վերահսկման ազգային կենտրոնի տնօրեն Ամիրան Գամկրելիձեն:
Նա բերել է Իսրայելի օրինակը, որը երեք ամսվա ընթացքում պատվաստեց իր բնակչության 60-70 տոկոսը:
Ամիրան Գամկրելիձեի խոսքով, հունվարի սկզբին Իսրայելում օրական գրանցվում էր վարակի 10-15 հազար նոր դեպք, և մահանում էր ավելի քան 100 մարդ, իսկ մարտի վերջին և ապրիլի սկզբին վարակման օրական ցուցանիշը իջավ մինչև տասնյակ դեպքեր:
«Օգոստոս-սեպտեմբեր-հոկտեմբեր ամիսները մեզ համար վճռորոշ նշանակություն ունի, և ես ցանկանում եմ, որ պատվաստումների օրական ցուցանիշը 25 հազարից պակաս չլինի»,- ասել է Ամիրան Գամկրելիձեն:
