ԵՄ արտաքին քաղաքականության և անվտանգության քաղաքականության հարցերով գերագույն հանձնակատար Ժոզեպ Բորելը հայտարարել է, որ այն, ինչ տեղի ունեցավ Աֆղանստանում, ամենակարևոր աշխարհաքաղաքական իրադարձությունն էր՝ Ղրիմի՝ Ռուսաստանին միանալու պահից ի վեր:
«Այն, ինչ տեղի ունեցավ Աֆղանստանում, պարտություն է արևմտյան աշխարհի համար, մենք պետք է ուղիղ նայենք այս փաստին և համարձակություն ունենանք դա ընդունելու, վերլուծելու պատճառներն ու հետևանքները, որոնք աշխարհաքաղաքական տեսանկյունից շատ կարևոր կլինեն: Այն, ինչ մենք տեսնում ենք, ամենակարևոր աշխարհաքաղաքական իրադարձությունն է՝ Ղրիմի՝ Ռուսաստանին միացման պահից»,- ասել է նա RNE ռադիոկայանի եթերում:
