«Թալիբան» արմատական շարժման պաշտոնական ներկայացուցիչ Զաբիհուլլահ Մուջահիդը հայտարարել է, որ թալիբները մտադիր չեն վրեժ լուծել որևէ մեկից, ներառյալ՝ նախկին զինվորականներից և օտարերկրյա ուժերի հետ համագործակցող մարդկանցից:
Թալիբները ցանկանում են Աֆղանստանում կառավարություն ձևավորել, որը կընդգրկի բոլոր աֆղանական հասարակության բոլոր շերտերի ներկայացուցիչներին:
Նրա խոսքով ՝ շուտով երկրում ձեռք կբերվի համաձայնություն «Իսլամական կառավարության» ձևավորման վերաբերյալ:
Մուջահիդը հայտնել է, որ «Թալիբանը» հայտարարել է համընդհանուր համաներում, այդ թվում `պետական պաշտոնյաների համար: «Թալիբան» շարժման ներկայացուցիչը խոստացել է, որ աֆղան կանայք խտրականության չեն ենթարկվի: Վստահեցրել, որ թալիբները չեն միջամտի լրատվամիջոցների գործունեությանը:
Նրա խոսքով՝ Աֆղանստանից որևէ պետության համար սպառնալիք չի լինի: «Թալիբան» շարժման ներկայացուցիչը հավելել է, որ երկրում ապահովված է օտարերկրյա դիվանագիտական ներկայացուցչությունների լիարժեք անվտանգությունը:
