Ճապոնիայի առափնյա պահպանության ծառայությունը նոր կղզի է հայտնաբերել երկրի ծովային տարածքում: Այն ձևավորվել է հրաբխի ժայթքման հետևանքով: Այս մասին հայտնում է Kyodo News- ը:
Հաղորդվում է, որ կղզին հայտնաբերվել է կիրակի` ուրբաթ օրը տեղի ունեցած ժայթքումից հետո: Ճապոնիայի օդերևութաբանական գործակալությունը նախազգուշացրել է նոր կղզու մոտակայքում մեծ քանակությամբ ծխի և մոխրի առկայության մասին:
Նորաստեղծ կղզին ունի մեկ կիլոմետր տրամագիծ և իր տեսքով նման է «C» տառին:
Վերջին անգամ նման երևույթներ հրաբխի ժայթքման հետևանքով նկատվել են 1904, 1914 և 1986 թվականներին, սակայն այս բոլոր կղզիներն արդեն ջրի տակ են անցել։
Ավելի վաղ հաղորդվել էր, որ երկրաշարժից հետո հունական Սամոս կղզին բարձրացել է 18-25 սանտիմետրով:
