Ամերիկացի միլիարդատեր Ջեֆ Բեզոսի Blue Origin ընկերությունը դատի է տվել NASA աերոտիեզերական գործակալությանը՝ Իլոն Մասկի SpaceX -ի նկատմամբ բարեհաճ վերաբերմունք ցուցաբերելու համար: Բանն այն է, որ Մասկի ընկերությունը կնքել է 2.9 մլն դոլարի պայմանագիր լուսնային մոդուլ կառուցելու համար, որի պատասխանատվությունը հանձնվել է Իլոն Մասկին։ Այս մասին հաղորդում է The Verge-ը:
Blue Origin-ի ներկայացուցիչը շեշտել է, որ այդ պայմանագիրը բազմաթիվ խնդիրներ ունի, որոնք պետք է վերացվեն, որպեսզի հավասար մրցակցություն ապահովվի:
SpaceX ընկերության ընտրության հարցում կարևոր դեր է խաղացել այն, որ ընկերությունն առաջարկել է կրկնակի էժան ծրագիր, քան Blue Origin-ը: NASA-ն հայտնել է, որ լուսնային ծրագրի ֆինանսավորումը սահմանափակվել է Կոնգրեսի կողմից: Հատկացվել է անհրաժեշտ գումարի միայն քառորդ մասը: Իլոն Մասկի ընկերությանը հանձնարարված լուսնային մոդուլի կառուցման պատվերն արդեն հաստատել է ԱՄՆ Հաշվիչ պալատը:
Մինչդեռ Բեզոսի ընկերությունը հրապարակել է ինֆոգրաֆիկա, որում քննադատել է Իլոն Մասկի կողմից ստեղծվող լուսնային մոդուլի վայրէջքային համակարգը: Blue Origin-ն ուշադրություն է հրավիրել այն փաստի վրա. որ Starship-ը դեռ դուրս չի եկել ուղեծիր: Բեզոսը պահանջում է օգտագործել բացառապես փորձված տեխնոլոգիաներ: