Կուրիլյան լճում ընկած Մի-8 ուղղաթիռում հայտնաբերել են նրանում գտնվող երեք ուղեւորի մարմին, ինչպես նաեւ, ենթադրվում Է, «սեւ արկղը»: Այդ մասին հայտնել Է Կամչատկայի երկրամասի կառավարության փոխնախագահ Ռոման Վասիլեւսկին:
«Այսօր ուղղաթիռի եւ մարմինների որոնման ու դուրսբերման հիմնական բեռն ընկած Է զինվորականների եւ ԱԻՆ-ի աշխատակիցների վրա: Այժմ բարձրացվել Է հինգ զոհվածի մարմին, երեք մարմին հայտնաբերվել Է ուղղաթիռի ներսում»,-ասել Է Վասիլեւսկին, որի խոսքը մեջբերվում Է երկրամասի կառավարության մամուլի ծառայության հաղորդագրության մեջ: Նրա խոսքով՝ տեղում աշխատում Է զինվորականների երեք ստորաբաժանում՝ տարբեր հատուկ սարքավորմամբ, եւ ԱԻՆ-ի ջրասուզակներ:
«Այսօր զինվորականները հետազոտում են լճի հատակը: Մոտ օրերս որոշում կընդունվի այն մասին, թե ինչ եղանակով ուղղաթիռը դուրս բերել մակերեւույթ: Այսօրվա դրությամբ զինվորականներն զբաղվում են բեկորների հայտնաբերմամբ եւ քարտեզի վրա նշում, թե որտեղ են դրանք գտնվում: Ուղղաթիռի բոլոր հիմնական մասերը գտնվել են»,-հավելել Է կառավարության փոխնախագահը:
Նա նշել Է, որ օգոստոսի 15-ին փորձ Է արվել հայտնվել ուղղաթիռի ներսում: Ելանցքի միջոցով հատուկ սարքավորման օգնությամբ օդանավում հայտնաբերվել Է երեք զոհվածի մարմին եւ, ենթադրաբար, «սեւ արկղը»: «Մասնագետները փորձում են բացել հետեւի փեղկը, որպեսզի այնտեղ կարողանա մտնել դրոնը՝ մարմինները դուրս բերելու համար: Ուղղաթիռի ինքնագրիչի բարձրացման համար նույնպես հատուկ սարքավորում Է բերվել»,-ընդգծել Է Վասիլեւսկին:
Օգոստոսի 12-ի առավոտյան «Վիտյազ-Աերո» ավիաընկերության Մի-8 ուղղաթիռը, որի մեջ զբոսաշրջիկներ Էին, ընկել Է Կամչատկայի հարավում գտնվող Կուրիլյան լիճը: Ուղղաթիռում գտնվում Էին անձնակազմի երեք անդամները եւ 13 ուղեւորներ, այդ թվում՝ մեկ երեխա: Ութ մարդ ողջ Է մնացել, նրանցից չորսը վնասվածքներ են ստացել: Այն բանից հետո, երբ լճի մոտ տեխնիկա են բերել խորջրյա աշխատանքների համար, ուղղաթիռը գտնվել Է ափից մոտավորապես 500 մետր հեռավորության վրա՝ 120 մետր խորությամբ: Օգոստոսի 16-ին լճի հատակից հանել են հինգերորդ զոհվածի մարմինը, հաղորդել Է «Ինտերֆաքս»-ը:
