Բրիտանացի հոգեբան Գայ Մեդոուզը խոսել է մի եղանակի մասին, որն օգնում է պայքարել անքնության դեմ և ավելի լավ քնել, գրում է Vogue ամսագրի բրիտանական կայքը:
Ըստ փորձագետի՝ ուսումնասիրությունները վկայում են, որ քնելու համար առավել օգտակար են աերոբիկ և ուժային վարժությունները: «Ամեն շաբաթ ձգտեք 2,5 ժամ նվիրել աերոբիկ ակտիվությանը (օրինակ՝ հեծանվավազք կամ արագ քայլք) կամ 75 րոպե ինտենսիվ աէրոբիկ ակտիվությանը (օրինակ՝ վազք կամ պար)», – բացատրել է նա:
Միևնույն ժամանակ, ըստ Մեդոզի, ավելի լավ է սպորտով զբաղվել քնելուց ոչ ուշ, քան երկու ժամ առաջ: Երեկոյան մարզվելուց հետո նա խորհուրդ է տալիս տաք ցնցուղ կամ վաննա ընդունել՝ հանգստանալու և մարմնի ջերմաստիճանը իջեցնելու համար:
Ցանկացած ակտիվություն կամ մարզում ավելի լավ է, քան դրա բացակայությունը: Ուսումնասիրության ընթացքում, որին մասնակցել են նաև անքնություն ունեցող մարդիկ, ֆիզիկապես ակտիվ խումբը բարելավել է քնի որակը և տևողությունը, սկսել է ավելի արագ քուն մտնել և բարելավել քնի արդյունավետությունը: