«Ենթադրվում էր, որ ՀԱՊԿ-ը կհրաժարվի սահմանին դիտորդական առաքելություն իրականացնել, քանի որ նախ ՀԱՊԿ-ը չունի այդ գործիքակազմը, չունի նման առաքելություն և բացի դրանից մայիսի 12-ից սկսած ինքը չի ցուցաբերել որևէ ռազմաքաղաքական լծակի կիրառման փորձ»,-«Առաջին լրատվական»-ի հետ զրույցում ասաց «Հանուն Հանրապետության» կուսակցության անդամ Առնոլդ Ստեփանյանը։
Մեր զրուցակիցը հույս հայտնեց, որ դիտորդական առաքելությունը կյանքի կկոչվի ԵԱՀԿ ՄԽ շրջանակներում և տարածաշրջանում ուժերի բալանսավորում կլինի, քանի որ ներկա պահին տեղի է ունենում դե ֆակտո Ռուսաստանի կողմից Հայաստանի կլանում։ «Հնարավոր է Ռուսաստանը ինքը ցանկանա, կամ գոնե չխոչընդոտի ԵԱՀԿ դիտորդական առաքելության իրականություն դառնալուն մեր սահմանին»,-ասաց Բլեյանը։
Մեր զրուցակցի խոսքով դիտորդական առաքելության տեղակայումից հետո հարկավոր կդառնա խախտող կողմին պատասխանատվության կանչել և դա, բնականաբար կզսպի Ադրբեջանին։ «Ադրբեջանի լկտի պահվածքը միանշանակ չի ընդունվում քաղաքակիրթ աշխարհի կողմից։ Իրենք փորձում են գտնել ճանապարհներ, որով կարող են զսպել Ադրբեջանին և դրանով իսկ զսպել Թուրքիայի և Ռուսաստանի նկրտումները տարածաշրջանում։
Բլեյանի խոսքով ՝ Ադրբեջանը չի գնա լայնամասշտաբ գործողությունների։ Լայնամասշտաբ պատերազմը կներքաշի նաև Ռուսաստանին, որը դա թույլ չի տա։ Բլեյանի խոսքով՝ Ադրբեջանի գործողությունները ընդամենը ջղաձգումներ են։ «Հայաստանը պետք է լինի ոչ թե լացողի, հայցողի դերում, այլ պետք է հանդես գա ուժի դիրքից՝ ճիշտ ռազմավարական դաշնակցի օգնությամբ ու օժանդակությամբ»,-եզրափակեց Բլեյանը։
