Ճապոնիայում վերջին 24 ժամվա ընթացքում հայտնաբերվել է կորոնավիրուսային վարակի առնվազն 18.882 նոր դեպք, ամենաբարձրը երբևէ գրանցված համաճարակի ընթացքում: Այդ մասին հինգշաբթի օրը հայտարարել է NHK հեռուստաալիքը:
Ճապոնիայի կառավարության փորձագիտական հանձնաժողովի ղեկավար Շիգերու Օմինի գնահատմամբ՝ իրավիճակը երկրի առողջապահական համակարգում կրիտիկական է: Վարակների թվի ռեկորդը գրանցվում է երկրում երկրորդ օրն անընդմեջ, երբ այսօրվա ցուցանիշը միանգամից 3 հազարով բարձր է եղել չորեքշաբթի օրվա համեմատ: Վերջին մեկ օրում մահացել է 24 մարդ: Շիգերու Օմին կոչ է արել խստորեն հետևել հակակորոնավիրուսային միջոցառումներին առաջիկա երկու շաբաթվա ընթացքում, որպեսզի ամենօրյա աճի տեմպի աճի միտումը դադարեցվի:
Անցյալ շաբաթ Ճապոնիան հատեց ամբողջ համաճարակի ընթացքում 1 միլիոն վարակվածների մասին: Երկրում կորոնավիրուսից մահացել է 15.3 հազար մարդ: Ապաքինվել է մոտ 899 հազար վարակված, ավելի քան 1,2 հազար հիվանդ այժմ գտնվում է ծանր վիճակում:
Տոկիոյում հուլիսի 12 -ից օգոստոսի 31-ը արտակարգ իրավիճակ է սահմանվել։
