Թուրքիայի արևմտյան Ուշաք նահանգում ավտոբուս է կողաշրջվել, ինչի հետևանքով վարորդը և 32 ուղևոր տուժել են: Այս մասին հայտարարել է TRT Haber հեռուստաալիքը:
Ուղևորատար ավտոբուսը Ագրայից Իզմիր էր ուղևորվում: Ըստ ամենայնի, Անկարա-Ուշաք ավտոճանապարհին շրջադարձ կատարելիս վարորդը կորցրել է ղեկի կառավարումը, ինչի հետևանքով ավտոբուսը շրջվել է:
Զոհեր չկան, բոլոր տուժածները տեղափոխվել են տեղի բժշկական հաստատություններ:
Հիշեցնենք, օգոստոսի 2-ին Անթալիայի նահանգում 22 ռուս զբոսաշրջիկներ տեղափոխող ավտոբուս էր վթարվել, իսկ օգոստոսի 6-ին Մանիսա նահանգում բեռնատար ավտոբուսի բախման հետևանքով 9 մարդ էր զոհվել, ևս 30-ը վիրավորվել: Օգոստոսի 8-ին Թուրքիայի Բալիկեսիր նահանգում ավտոբուսը կողաշրջվել էր, զոհվել էր 14 մարդ:
