Երևանի պետական համալսարանի աստվածաբանության ֆակուլտետը 15 տարեկան է: Հոբելյանական միջոցառումները մեկնարկեցին ֆակուլտետի 15-ամյակին Սփյուռ բարեգործական ընկերության նվիրած խաչքար-հուշարձանի օծման արարողությամբ, այնուհետև ԵՊՀ կենտրոնական մասնաշենքում անցկացվեց ֆակուլտետին նվիրված միջոցառում, որին ներկա էին ԵՊՀ ռեկտոր Արամ Սիմոնյանը,ԿԳ նախարար Արմեն Աշոտյանը, ԳԱԱ-ի նախագահ Ռազմիկ Մարտիրոսյանը և այլ պետական և հոգևոր պաշտոնյաներ: Միջոցառումը մեկնարկեց ֆակուլտետի 15-ամյա ուղու մասին ֆիլմով, այնուհետև Արմեն Աշոտյանը մեդալներով և պատվոգրերով պարգևատրեց ֆակուլտետի դեկան Սողոմոն արքեպիսկոպոս Աճեմյանին, ինչպես նաև մի շարք այլ դասախոսների: Պաշտոնական միջոցառումը շարունակվեց համերգային ծրագրով: