Աֆղանստանում «Թալիբան» շարժումը լուրջ հաղթանակ է գրանցել՝ գրավելով Տաջիկստանի հետ սահմանին գտնվող, ռազմավարական նշանակություն ունեցող Քունդուզ քաղաքը: Այս մասին հաղորդում է The Guardian պարբերականը՝ նշելով, որ վերջին երեք օրերի ընթացքում թալիբներին հաջողվել է գրավել 5 նահանգային մայրաքաղաք:
Կառավարական ուժերը նահանջել են Քունդուզից, բնակիչներից շատերը՝ փախել: «Թալիբանի» զինյալները տեսանյութեր են հրապարակել՝ ցույց տալով Քունդուզի լքված ոստիկանական բաժանմունքը, որի աշխատակիցները թողել են մեքենաները, զենք և սարքավորումներ:
Աֆղանստանից ամերիկյան և միջազգային ուժերի դուրս գալուց հետո թալիբները վերահսկողություն են հաստատել երկրի գյուղական տարածքների մեծ մասի վրա: Այժմ նրանք փորձում են գրավել քաղաքները:
Աֆղանստանի կառավարական ուժերին օգնելու համար ԱՄՆ-ն մի քանի ավիահարվածներ է հասցրել թալիբներին:
Ինչպես ավելի վաղ հայտնել էր ShantNews-ը՝ թալիբները նախազգուշացում են արել ԱՄՆ-ին՝ Աֆղանստանի գործերին ցանկացած հետագա միջամտության հետ կապված:
د کندز ولایت امنیه قومندانۍ د مجاهدینو په بشپړ کنترول کې ده.
مزدور دښمن شړل شوی او
مجاهدین په کې فعال او ثابت حضور لري. pic.twitter.com/hTEi16WIev— Zabihullah (..ذبـــــیح الله م ) (@Zabehulah_M33) August 8, 2021