Գյումրի — Երևան ավտոճանապարհին տեղի ունեցած ավտովթարի հետևանքով զոհվել է Հայաստանում տեղակայված ռուսական ռազմակայանի զինծառայող, ևս 4-ը վիրավորվել են: Այս մասին հայտնում են ՌԴ Հարավային ռազմական օկրուգի մամուլի ծառայությունից:
Վթարը տեղի է ունեցել կիրակի առավոտյան Թալլին բնակավայրի մոտակայքում։ Ըստ նախնական տվյալների՝ զինվորականը չի կարողացել կառավարել անձնական մեքենայի կառավարումը, մեքենան շրջվել է ձորը:
«Մեկ պայմանագրային զինծառայող ստացած վնասվածքներից տեղում մահացել է։ Վթարի ժամանակ ավտոմեքենայում գտնվող պայմանագրային ծառայության չորս զինծառայողների միջին ծանրության վնասվածքներով օպերատիվ կերպով տեղափոխել են բժշկական հաստատություն, որտեղ նրանց ցուցաբերվել է բոլոր անհրաժեշտ բուժօգնությունը», — նշվում է հաղորդագրության մեջ, որն հայտնվել է ՌԻԱ Նովոստի – ի տրամադրության տակ:
Զորամասի հրամանատարությունը իրավապահ մարմինների հետ անցկացնում է ստուգում:
Ավելի վաղ «Փաստինֆո» -ն հայտնել էր, որ օգոստոսի 8-ին, ժամը 06:23-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Թալին-Մաստարա ավտոճանապարհին տեղի է ունեցել ՃՏՊ․ կան տուժածներ: