Ստեփանակերտի քաղաքապետարանից հայտնում են, որ Արցախի մայրաքաղաքում ջրի հետ կապված խնդիրը շարունակում է հրատապ մնալ։
«Հարգելի քաղաքացիներ, Ստեփանակերտում շարունակում է հրատապ մնալ ջրամատակարարման խնդիրը: «Ջրմուղ-կոյուղի» ընկերությունն իր ողջ մարդկային ու տեխնիկական ներուժով լծված է խնդրի կարգավորման գործին, բայց դա բավարար չէ: Ջրի պաշարները սուղ են, մինչդեռ մեր այն քաղաքացիները, ովքեր բնակվում են ցածրադիր գոտիներում և ում հասանելի է խմելու ջուրը, անխնա և հաճախ ոչ նպատակային օգտագործում են այն: Խնդրում ենք՝ հնարավորինս խնայողաբար օգտագործեք ջուրը, հիշեք՝ հազարավոր մեր համաքաղաքացիներ զրկված են կենսատու հեղուկից…
Եվս մեկ անգամ հայցում ենք բոլորիդ ներողամտությունը»,-նշված է քաղաքապետարանի ֆեյսբուքյան գրառման մեջ:
