ԱՄՆ Ներկայացուցիչների պալատում հանրապետականների հաշվետվությունն այն մասին, որ կորոնավիրուսի արտահոսքը տեղի է ունեցել Ուհանի լաբորատորիայից, հիմնված է ստի և փաստերի խեղաթյուրման վրա: Պեկինը հանդես է գալիս ամերիկացի կոնգրեսականների՝ Չինաստանը հեղինակազրկելու փորձերի դեմ: Այս մասին ասվում է Չինաստանի ԱԳՆ հայտարարության մեջ:
Ավելի վաղ Hill պարբերականը, հղում անելով ԱՄՆ Ներկայացուցիչների պալատում հանրապետական կոնգրեսականների տվյալների վրա, որոնք կորոնավիրուսի առաջացման վերաբերյալ ուսումնասիրություններ են կատարել, հայտնել էր, որ COVID-19-ը առաջացել է Ուհանի լաբորատորիայում, և տեղի է ունեցել դրա արտահոսք: Հանրապետականների հաշվետվությունը հիմնված է բաց աղբյուրների և անուղղակի ականատեսների խոսքի վրա:
Հաշվետվության տեքստը հրապարակել է հանձնաժողովի արտաքին գործերով ավագ հանրապետական Մայքլ Մակկոլը: Սա կորոնավիրուսի առաջացման վերաբերյալ նրա երրորդ հետազոտությունն է:
Չինաստանի ԱԳՆ-ն հավելել է, որ ԱՄՆ-ն հանդիսանում է աշխարհում նման հետազոտությունների ամենամեծ հովանավորը: Չինաստանի ԱԳՆ-ն ամերիկացի կոնգրեսականներին խորհուրդ է տվել նման հետազոտություններ անցկացնել հենց Ամերիկայում:
