Հայաստանի Օլիմպիական հավաքականն այսօր երկու արծաթե մեդալ նվաճեց և ապահորվեց առնվազն մեկ բրոնզե մեդալ։ Ռիոյի Օլիմպիական խաղերի, աշխարհի եռակի և Եվրոպայի հնգակի չեմպիոն Արթուր Ալեքսանյանը արծաթե մեդալ նվաճեց 97 քաշային կարգում:Վճռորոշ գոտեմարտում Արթուր Ալեքսանյանը զիջեց Ռուսաստանի օլիմպիական կոմիտեի հավաքականից Մուսա Եվլոևին՝ 1:5 հաշվով:Ալեքսանյանը պայքարը սկսել էր 1/8 եզրափակչից: Մեկնարկային գոտեմարտում նա 4:1 հաշվով հաղթել էր Ուզուր Ջուզուպբեկովին ապա 5:1 հաշվով առավելության էր հասել ֆինն Արվի Սավոլայնենի նկատմամբ, իսկ կիսաեզրափակչում պարտության էր մատնել իրանցի Սարավի Մոհամադհադիին 4:1: Այդ գոտեմարտում Ալեքսանյանն ազդրի մկանային վնասվածք էր ստացել: Ծանրամարտի 109 քաշային կարգում Սիմոն Մարտիրոսյանը մոտ էր օլիմպիական ոսկուն, բայց․․․։ Մարտիրոսյանը պոկում վարժության առաջին մոտեցման համար պատվիրել էր 190 կգ, որը և վստահությամբ այն կատարեց: Իսկ երկրորդ մոտեցման համար Սիմոն Մարտիրոսյանը պատվիրել էր 195, որը հաջողությամբ ֆիքսելով՝ օլիմպիական ռեկորդ սահմանեց այս վարժությունում: Երրորդ մոտեցման համար Սիմոնը պատվիրել էր 198 կգ, սակայն այս քաշը Սիմոնին չտրվեց։ Պոկում վարժությունից հետո Մարտիրոսյանը առաջատարն էր։ Հրում վարժությունում Սիմոն Մարտիրոսյանը պայքարը սկսեց 228 կգ-ից եւ կատարեց առաջին փորձով։
Աքբար Ջուրաեւը հրում վարժությունում բարձրացրեց 237 կգ։ Սիմոն Մարտիրոսյանը ստիպված եղավ պատվիրել 238 կգ, որը չկարողացավ բարձրացնել երկրորդ եւ երրորդ փորձով։Նշենք, որ Սիմոն Մարտիրոսյանին է պատկանում այս քաշային կարգի երկամարտի աշխարհի ռեկորդը 435 կգ արդյունքով: Ինչէ, բռնցքամարտիկ Հովհաննես Բաչկովը այսօր դուրս է եկել 63 քաշային կարգում դուրս եկավ կիսաեզրափակիչ՝ այդպիսով ապահովելով առնվազն բրոնզե մեդալ։ Քառորդ եզրափակչում Եվրոպայի կրկնակի չեմպիոնը հաղթեց ուզբեկ Էլնուր Աբդուրաիմովին: Եզրափակչի ուղեգրի համար հայ բռնցքամարտիկը պայքարելու է ամերիկացի Քեյշոն Դևիսի հետ․ մենամարտը կայանալու է օգոստոսի 6-ին։Հիշեցնենք, որ Հովհաննես Բաչկովը պայքարը սկսել է 1/16 եզրափակչից, որտեղ հաղթել է Ռայան Ալստոնին Անտիգուա և Բարբուդա5։0, իսկ 1/8 եզրափակչում պարտության է մատնել ադրբեջանցի Ջավիդ Չալաբիևին՝ 4։1։ Այսօր կարող էր բրոնզ մեդալ նվաճել 77 քաշային ըմբիշ Կարապետ Չալյանը։ Վերջինսգոտեմարտեց ադրբեջանցի Ռաֆիգ Հուսեյնովի հետ։ Մեր մարզիկը զիջեց մրցակցին 1։4 հաշվով։ Առաջին մրցափուլում Չալյանը հաղթում էր 1-0 հաշվով, իսկ երկրորդ մրցափուլում մրցակիցը հավասարեցրեց հաշիվը։ Դրանից հետո մրցավարը միավոր տվեց Չալյանի մրցակցին՝ գտնելով, որ Կարապետը գլխով հարվածել Հուսեյնովին։ Մեր մարզիչները վիճարկեցին դրվագը, սակայն դա հաշվի չառնվեց և հաշիվը դարձավ 4։1։ Հիշեցնենք, որ երեկ հունահռոմեական ոճի ըմբիշ, 77 կգ քաշային կարգում Հայաստանի ներկայացուցիչ Կարապետ Չալյանը Տոկիոյի Օլիմպիական խաղերի կիսաեզրափակչում պարտություն էր կրել Ղրղզստանի ներկայացուցչից։
Այսօր մրցավարական խայտառակ որոշման զոհ դարձավ մեր ըմբիշներից Կարեն Ասլանյանը։ Էգիիպտացի մրցակցի դեմ տեսանյութում տեսանյութում հստակ երևում է, որ Ասլանյանը գործել է կանոնների սահմանում, վաստակել է 2 անգամ 2 միավոր, որից հետո էլ տուշեով հաղթել է մրցակցին: Գորգի մրցավարը և եզրային 2 մրցավարները ֆիքսում են մեր ըմբիշի հաղթանակը, սակայն եգիպտոսցի Մոհամեդ Իբրահիմ Էլսայեդի մարզիչը բողոքարկում է մրցավարների որոշումը, իսկ բողոքարկման ժամանակ մրցավարների որոշումը վերանայվում է մրցավարական հանձնաժողովի կողմից և հենց նրանց որոշման պատճառով էլ մեր մարզիկը զրկվում է իր հաղթանակից: Ինչէ, այսօր մեր հավաքականից ակնկալում էինք երկու ոսկե մադալ, բայց ունենք այն ինչ ունենք։ Այո, կարող ենք մեղադրել մրցավարներին, կարող եք ասել մարզական բախտը մեր կողմը չէ։
Բայց սա ամենևին էլ արդարացում չէ։ Մենք հրապրատնում ենք մեր մարզիկներով և շնորհակալ ենք բարձր արդյունքների։ Արձանագրենք սակայն հետևյալը․ մեծ նվաճումների համար անհրաժեշտ է լինել ավելի ուժեղ։ Ավելի ուժեղ լինելու պարագայում մրցարաները անզոր կլինեն խլել հաղթանակները, իսկ մարզական բախտը կլինի մեր կողմը։
