Ադրբեջանի Բարդինի շրջանի տարածքում օգոստոսի 2-ին երկրաշարժ է տեղի ունեցել: Sputnik-ի ադրբեջանական ծառայության փոխանցմամբ՝ այդ մասին հայտնել է Ադրբեջանի Գիտությունների ազգային ակադեմիայի հանրապետական սեյսմոլոգիական կենտրոնը:
3,3 մագնիտուդով ստորգետնյա ցնցումները գրանցվել են «Բարդա» սեյսմակայանից 10 կմ հյուսիս-արևելք, Բաքվի ժամանակով 20:56-ին: Երկրաշարժի էպիկենտրոնը գտնվել է 31 կմ խորության վրա, երկրակեղևի տատանումներ չեն զգացվել:
Նախորդ երկրաշարժը տեղի է ունեցել հուլիսի 5-ին Կասպից ծովում։ 3,2 մագնիտուդով ստորգետնյա ցնցումները տեղի են ունեցել տեղական ժամանակով 04:02-ին: Սեյսմոլոգների հաշվարկներով ՝ երկրաշարժի աղբյուրը գտնվել է 44 կմ խորության վրա։
Երկրաշարժեր Ադրբեջանում առաջին կիսամյակում
2021 թվականի հունվար-հունիս ամիսներին Ադրբեջանի սեյսմոլոգները երկրի տարածքում և դրա սահմաններից դուրս 5655 ստորգետնյա ցնցումներ են գրանցել:
Ադրբեջանի տարածքում գրանցված ստորգետնյա ցնցումների ընդհանուր թվից տեղի է ունեցել 2413 երկրաշարժ, ևս 1492 ցնցումներ են գրանցվել տարածաշրջանում, իսկ մնացած գրանցված ցնցումները տարածաշրջանի սահմաններից դուրս երկրաշարժերի արձագանքներն են:
Դրա հետ մեկտեղ սեյսմոլոգները գրանցել են 400 թույլ ցնցումներ, որոնք որսացել են միայն սեյսմակայունության սարքավորումները:
Անցած կես տարվա ընթացքում հանրապետությունում ամենանշանակալի երկրաշարժը Կասպից ծովում 4,5 մագնիտուդով ցնցումներն են եղել, որոնք զգացվել են երկրի ափամերձ բնակավայրերում:
Ընդհանուր առմամբ, 2021 թվականի վեց ամսվա ընթացքում հանրապետությունում երեքից ավելի մագնիտուդով 36 երկրաշարժ է տեղի ունեցել:
Բացի այդ, սեյսմոլոգիայի կենտրոնը նշված ժամանակահատվածում գրանցել է 749 պայթյուն և հրաբխային ժայթքումներ: