Sunday, 26 09 2021
Մոուրինյոյի որոշումը․ Մխիթարյանի դիրքն ու դերը հռոմեական դերբիում
18:08
Ռոնալդուն 300 հազար եվրո արժողությամբ նոր մեքենայով է գնացել «Մանչեսթեր Յունայթեդի» մարզաբազա
5 երիտասարդ նորեկ «Արարատում»
Վարազդատ Հարոյանը տեսաուղերձով դիմել է հայ երկրպագուներին
Քանի միլիոնանոց ֆուտբոլիստ է խաղում Հայաստանի ազգային հավաքականում
Խոակին Կապառոսը հանդիպել է Հովհաննես Չեքիջյանի հետ
Ըմբշամարտի Հայաստանի հավաքականների կազմն աշխարհի առաջնությունում
Վարազդատ Հարոյանը հայտավորվել է «Բարսելոնայի» հետ հանդիպմանը
Ռուսները կրկին ափսոսում են․ Որոշումներ ի շահ Հայաստանի․․․
18:59
Արսեն Զախարյանը կարող է հայտնվել Բունդեսլիգայում
«Արարատի» հարձակվողը կարիերան կշարունակի Հունգարիայում
Պրեմիեր լիգա․ «Նոան» հաղթեց արտագնա խաղում
Հայաստանի պատանեկան հավաքականը հավաք կանցկացնի
Արթուր Ալեքսանյանի և Կարապետ Չալյանի տղամարդկային որոշումը․․․
«Արարատը» հաղթեց և հավասարվեց առաջատարին
14:26
Մի շարք սպորտսմենների պատվավոր կոչումներ է շնորհվել
Ճգնաժամային հրաժարական․ Ինչ է կատարվում Հայաստանի չեմպիոնի հետ
12:34
Իսպանական Լա լիգայի շնորհավորական ուղերձը
VBET Պրեմիեր լիգա․ «Ալաշկերտը» կրկին չհաղթեց
Ինչպես է Արմեն Մաշակարյանը հաղթում ադրբեջանցի մրցակցին
Հայաստան – Լեհաստան հանդիպման տոմսերը վաճառքում են
Հրմշտոց ու տուրուդմփոց․ Քանի մարդ կզրկվի Հայաստան-Գերմանիա հանդիպումը դիտելուց
Վահան Բիչախչյանի դուբլը
Հայաստանի ազգային հավաքականի դիրքը ԱՊՀ-ում և տարածաշրջանում
Բռնցքամարտը կհանվի՞ Օլիմպիական խաղերի ծրագրից
14:36
Հայ գեղասահորդները կպայքարեն Օլիմպիական խաղերի ուղեգրերի համար
VBET Հայաստանի գավաթ․ «Արարատ-Արմենիան» հաղթեց «Լեռնային Արցախին»
17:10
Օլիմպիական խաղերին մասնակցած և հաղթած մարզիկների պարգևավճարները կավելանան
Քանի հայ ֆուտբոլիստ է խաղում Եվրոպական թոփ լիգաներում
14:52
Ոչխարների պատճառով Ռոնալդուն փոխել է առանձնատունը

Ոսկե շաբաթվա սկիզբը․ Արթուր Դավթյան, Արթուր Ալեքսանյան, Սիմոն Մարտիրոսյան․․․

Օգոստոսի առաջին շաբաթը սկսում ենք մեր մարզիկների փայլուն ելույթներով։ Անկախ Հայաստանն ունի առաջին մեդալը մարմնամարզությունում։ Տոկիոյում շարունակվող Օլիմպիական խաղերում Արթուր Դավթյանը հենացատկ ձևում դարձավ բրոնզե մեդալակիր։ Վերջին անգամ Օլիմպիադայում մեդալ էր նվաճել լեգենդար մարմնամարզիկ Ալբերտ Ազարյանի որդին՝ Էդուարդ Ազարյանը 1980 թվականին չեմպիոն դառնալով ԽՍՀՄ-ի թիմի կազմում։ Արթուր Դավթյանը կարող էր նաև չեմպիոն հռչակվել, բայց երկրորդ ցատկի ժամանակ ոտքը դուրս թողեց սահմանագծից։ Սպորտում սակայն «եթե»-ներ չկան։ 41 տարի անց մարմնամարզությունում ունեցանք մեդալ և հպարտ ենք գրանցված արդյունքով։ Երկու ցատկերի հանրագումարով Դավթյանը 14.733 միավոր վաստակեց: Օլիմպիական չեմպիոն դարձավ կորեացի Ջեահվան Շին, 14.783 միավորով: Նույնքան միավորով արծաթե մեդալակիր դարձավ ռուս Դենիս Աբյազինը: Ինչևէ, շաբաթը հաղթանակով սկսեցին մեր հունահռոմեկան ըմբիշներ Օլիմպիական չեմպիոն Արթուր Ալեքսանյանն ու Կարապետ Չալյանը։

Ալեքսանյանը պայքարը սկսեց 1/8-րդ եզրափակչից և տոնելով երեք հաղթանակ՝ կարիերայում երկրորդ անգամ օլիմպիական ոսկե մեդալ նվաճելու հնարավորություն ստացավ: Մեկնարկային գոտեմարտում Ալեքսանյանը 4:1 հաշվով հաղթեց Ղրղզստանի ներկայացուցիչ Ուզուր Ջուզուպբեկովին ապա 5:1 հաշվով առավելության հասավ ֆինն Արվի Սավոլայնենի նկատմամբ։ Կիսաեզրափակչում Ալեքսանյանը գերլարված պայքարում պարտության մատնեց իրանցի Սարավի Մոհամադհադիին։ Գոտեմարտի երկրորդ հատվածում իրանցին ոտքով հարված հասցրեց Ալեքսանյանին վնասելով հայ մարզիկի ազդրը։ Թվում էր թե Ալեքսանյանը չի կարողանա շարունակել գոտեմարտը, բայց ցուցաբերելով մարզիկին բնորոշ կամք ու տոկունություն Ալեքսանյանը պահպանեց հաղթական հաշիվը։ Հուսանք, որ մեր չեմպիոնի վնասվածքը լուրջ չէ։ Ոսկե մեդալի համար Արթուր Ալեքսանյանը վաղը գոտեմարտելու է աշխարհի և Եվրոպայի կրկնակի չեմպիոն ռուս Մուսա Եվլոևի հետ։ Եզրափակիչ դուրս գալուն մոտ էր նաև Չալյանը բայց․․․։ Վերջինս առաջին գոտեմարտում հաղթեց ուզբեկ Ժալգասբայ Բերդիմուրատովին` 5:0, ապա 2:1 հաշվով առավելության հասել ռուս աշխարհի չեմպիոն Ալեքսանդր Չեխիրկինի նկատմամբ։ Կիսաեզրափակչում մրցակցին գորգից պոկելուց հետո Չալյանը ճակատագրական սխալ թույլ տվեց՝ ձեռքից բաց թողնելով ըստ էության 100 տոկոսանոց հաղթանակը։ Թե ինչ կատարվեց այդ պահին Չալյանի հետ՝ դժվար է ասել։ Դրա հետևանքով մեր ըմբիշը 2։6 հաշվով պարտվեց ղրղզ Ակժոլ Մախմուդովին։

Այո, սպորտում լինում են նաև այսպիսի դրվագներ։ Չալյանը պետք է ապահովեր առնվազն բրոնզե մեդալը, բայց․․․։ Սա ամենևին էլ չի նշանակում, որ կատարվածից պետք է հիասթափվել։ Վաղը Չալյանը կգոտեմարտի բրոնզե մեդալի համար և հավատում ենք, որ մեր մարզիկը Տոկիոյից կվերադառնա մեդալով։ Օգոստոսի 3-ը վճռորոշ է լինելու մեր Օլիմպիական հավաքականի համար։ Բացի Չալյանից ու Ալեքսանյանից վաղը ասպարեզ դուրս կգա ծանրամարտի աշխարհի չեմպիոն 109 քաշային Սիմոն Մարտիրոսյանը։ Վաղը կմենամարտի բռնցքամարտիկ Հովհաննես Բաչկովը, որը 1/8-րդ եզրափակչում հաղթել էր ադրբեջանցի մրցակցին։ Վերջին քառորդ եզրափակիչը հաղթահարելու դեպքում Բաչկովը կապահովի առնվազն բրոնզե մեդալ։ Օգոստոսի 3-ին ասպարեզ դուրս կգան նաև եռացատկորդ Լևոն Աղասյանը և ըմբիշ Կարեն Ասլանյանը: Մրցումների մեզ համար բարեհաջող ընթացքի դեպքում վաղը կարող ենք ունենալ երկու ոսկե, մեկ բրոնզե մեդալ և ապահովել ևս մի քանի մեդալներ։ Սիմոն Մարտիրոսյանի հնարավորությունները բավական բարձր են։

Հավատում ենք նաև Արթուր Ալեքսանյանին, որին բավական բարդ և հաղթահարելի դիմակայություն է սպասվում։ Այս պահի դրությամբ Հայաստանի օլիմպիական հավաքականը դե ֆակտո ունի երկու մեդալ։ Նվաճելով բրոնզե մեդալ Արթուր Դավթյանը սկիզբ դրեց օլիմպիական ոսկե շաբաթվան։ Այո, բոլորս ենք հավատում, որ այս շաբաթը լինելու է ոսկե։ Դրա համար կան բոլոր նախադրյալները։ Բարի երթ մեր բոլոր օլիմպիականներին։

Բաժիններ
Ուղիղ
Լրահոս
Որոնում