Աֆղանստանի Հերաթ քաղաքում ՄԱԿ-ի օբյեկտի վրա հարձակում է իրականացվել. զոհվել է աֆղանցի ոստիկան, վիրավորվել են մի քանի սպաներ: Այս մասին հուլիսի 30-ին հայտնել է Աֆղանստանի աջակցության ՄԱԿ-ի առաքելությունը։
«Այս հարձակման մեղավորները պետք է բացահայտվեն և պատասխանատվության ենթարկվեն», – ասել է Աֆղանստանի աջակցության ՄԱԿ-ի առաքելության ղեկավար Դեբորա Լայոնսը:
Այն շրջանում, որտեղ տեղի է ունեցել հարձակումը, մարտական գործողություններ են տեղի ունեցել «Թալիբանի» զինյալների և կառավարական զորքերի միջև: ՄԱԿ-ը փորձում է շտապ վերականգնել հարձակման ամբողջական պատկերը։
