Ինպես տեղեկացնում է Московский Комсомолец-ը, Թուրքիայի վարչապետ Ռեջեփ Թայիբ էրդողանը հանդես է եկել արաբական երկրների հետ «Շենգենյան գոտի» ստեղծելու նախաձեռնությամբ:
Լիբանանում ելույթի ժամանակ վարչապետը հիշեցրել է, որ Թուրքիան մուտքի արտոնագիրը չեղյալ համարող համաձայնագրեր է ստորագրել Սիրիայի, Լիբանանի, Հորդանանի ու Լիբիայի հետ: «ԵՄ-ն ասում է Շենգեն, ինչու մենք դա չիրագործենք մեզ մոտ: Ի՞նչը կարող է սրանից ավելի բնական լինել »,-հայտարարել է Էրդողանը:
Թուրքիայի վարչապետը նաև հավելել է. «Տարածաշրջանում մենք հզորագույն նպատակներ ունենք: Մենք ցանկանում ենք միայն խաղաղություն, հանգստություն, բարգավաճում և կայունություն: Թուրքիան իրականացնում է «զրո խնդիր հարևանների հետ» քաղաքականությունը և անկեղծ է այս հարցում»: Էրդողանը նշել է նաև. «Թուրքիան մի պետություն է, որի մի կողմը ուղղված է Եվրոպային, բանակցություններ է վարում ԵՄ-ին լիիրավ անդամագրվելու համար: Մյուս կողմից՝ Թուրքիան անկեղծ հավատում է, որ հնարավոր է մահմեդական ինքնությունը սինթեզել եվրոպական արժեքներին»: