Առողջապահության համաշխարհային կազմակերպությունը (ԱՀԿ) առաջարկել է արգելել երեխա ունենալու տարիքում գտնվող կանանց կողմից ալկոհոլի օգտագործումը: Այս մասին ասված է 2022-2030 թվականների ալկոհոլի դեմ պայքարի համաշխարհային գործողությունների ծրագրի նախագծում:
Փաստաթղթի համաձայն՝ երկրները պետք է բարձրացնեն հասարակության իրազեկությունը ալկոհոլային խմիչքների՝ առողջությանը սպառնացող վտանգների վերաբերյալ, սակայն հատուկ ուշադրություն պետք է դարձնել երեխաների, հղի կանանց և երեխա ունենալու տարիքում գտնվող կանանց պաշտպանությանը:
Դա պայմանավորված է նրանով, որ ալկոհոլ օգտագործելը չծնված երեխային կրելու ընթացքում կարող է հանգեցնել նրա մոտ տարբեր հիվանդությունների և խանգարումների զարգացմանը, ինչպես նաև սոցիալական վարքագծի և սովորելու ունակության խնդիրների առաջացմանը:
Նշվում է, որ դա բացասաբար է ազդում նաև մոր ֆիզիկական և հոգեբանական վիճակի վրա:
Այսպիսով, ԱՀԿ-ն եզրակացրել է, որ լավագույն տարբերակը կանանց համար ալկոհոլից լրիվ հրաժարվելն է:
Այս հայտարարությունները լայն քննադատության են ենթարկվել ցանցի օգտատերերի շրջանում, իսկ կազմակերպությանը մեղադրել են սեռական խտրականության մեջ:
